బడ్జెట్ రూ.50 వేలు తగ్గింపు

రెండు నెలలుగా వేతనాలు చెల్లించకపోవడంతో నేతలు, కార్యకర్తలు దూరం అవుతున్నారు. ప్రధాన కార్యాలయ సిబ్బందికి కూడా జీతాలు చెల్లించలేకపోతోందట. ఆర్థికంగా చితికిపోయిన పార్టీ.. ఖర్చులు తగ్గించుకోవాలని అనుబంధ విభాగాలకు ఆదేశాలు జారీ చేసింది. ఆయా విభాగాలకు బడ్జెట్‌ను కుదించారు. ఉదాహరణకు సేవాదళ్ నెలవారీ బడ్జెట్‌ను రూ.2.5 లక్షల నుంచి రూ.2 లక్షలకు కుదించారు.

ఖర్చులు తగ్గించుకోవాలని ఆదేశం

పార్టీ మహిళా విభాగం, NSUI, యువజన కాంగ్రెస్ విభాగాలు కూడా ఖర్చులు తగ్గించుకోవాలని ఆదేశించింది. అంతేకాదు, సోషల్ మీడియా విభాగంలోని వారి సంఖ్య ఇటీవలి వరకు 55గా ఉండగా, 20 మందికి పైగా వదిలి వెళ్లిపోయినట్లుగా తెలుస్తోంది. రాహుల్ గాంధీ రాజీనామాకు మద్దతుగా తాము కూడా వెళ్తున్నట్లు వీరు చెబుతున్నప్పటికీ, అసలు విషయం మాత్రం జీతాలు రాకపోవడం వల్లేనని అంటున్నారు.

వేతనాలు ఆలస్యం

ఇప్పటికీ సోషల్ మీడియా విభాగంలో ఉన్న వారికి వేతనాలు ఆలస్యమవుతున్నాయని చెబుతున్నారు. పార్టీ మీడియా విభాగం పరిస్థితి కూడా అదే అంటున్నారు. గత సార్వత్రిక ఎన్నికల్లో 542 స్థానాలకు గాను బీజేపీ ఒంటరిగా 303 సీట్లు గెలవగా, కాంగ్రెస్ కేవలం 52 స్థానాలు దక్కించుకుంది.