రుణాల జారీ నెమ్మదించినందున...

ఓ వైపు అధిక NPAల సమస్య నుంచి బ్యాంకులు బయటపడుతూ, రుణాల జారీ నెమ్మదించిన నేపథ్యంలో ఆయన ఈ వ్యాఖ్యలు చేశారు. ఆర్థిక రంగంలో ఏర్పడుతున్న పరిణామాలతో ఒత్తిళ్లకు సంబంధించి కొత్త సంకేతాలు కనిపిస్తున్నాయన్నారు. తాము జాగ్రత్తగా వ్యవహరిస్తున్నామని చెప్పారు. రియల్ ఎస్టేట్, నాన్ బ్యాంకింగ్ ఫైనాన్స్ సంస్థలు ఆందోళన కలిగిస్తున్న అంశాలు అన్నారు.

మంచి స్థితిలో ఎన్నో NBFC కంపెనీలు

అయితే NBFCలోను ఎన్నో కంపెనీలు మంచి స్థితిలో ఉన్నాయని ఆయన చెప్పారు. తాము మరీ రిస్క్ చేయదలుచుకోవడం లేదని స్పష్టం చేశారు. తమ రిస్క్ నిర్వహణ విధానాలు సరిగ్గా ఉండాలని భావిస్తున్నామన్నారు. అదే సమయంలో తమ ప్రధాన వ్యాపార రిస్క్ తీసుకొని, రుణాలను ఇవ్వడాన్న బాగా తగ్గించుకుంటుందని భావించవద్దన్నారు.

సూక్ష్మ పరిశీలన

NBFC సమస్యలు ఏడాది అవుతున్నా ఇంతవరకు పరిష్కారం లభించలేదని, కొన్ని కంపెనీలు బాగానే పని చేస్తున్నాయని, ఈ విషయంలో సూక్ష్మ పరిశీలన అవసరమన్నారు. ఇది వ్యవస్థాపరమైన అంశంగా మారుతుందని తాము భావించడం లేదన్నారు. ఇబ్బందులను అధిగమించేందుకు వ్యవస్థకు సమయం పడుతుందన్నారు.