జియో క్వార్టర్ టు క్వార్టర్

డిసెంబర్ త్రైమాసికంలో 14.63 శాతం వృద్ధి సాధించిన జియో క్వార్టర్ టు క్వార్టర్ పరంగా ఆశించిన వేగాన్ని అందుకోలేకపోయింది. డిసెంబర్ త్రైమాసికం కంటే జనవరి త్రైమాసికం గ్రోత్ రేట్ తక్కువగా ఉంది. 2019 ఆర్థిక సంవత్సరం సెప్టెంబర్‌లో AGR పరంగా జియో లార్జెస్ట్ టెల్కో. సబ్‌స్క్రైబర్లను యాడ్ చేసుకుంటున్న వాటిల్లో జియో ముందుంది. ఎయిర్‌టెల్, వొడాఫోన్ ఐడియా తమ కస్టమర్లను కోల్పోతున్నాయి.

ఆయా టెల్కోలకు యూజర్లు

ఏప్రిల్ చివరి నాటికి 315 మిలియన్ల జియో యూజర్లు ఉండగా, వొడాఫోన్ ఐడియాకు 393 మిలియన్ల యూజర్లు, భారతీ ఎయిర్‌టెల్‌కు 322 మిలియన్ యాజర్లు ఉన్నారు. ప్రభుత్వానికి చెందాల్సిన లైసెన్స్, ఇతర ఛార్జీల వాటా AGR ఆధారంగానే నిర్ణయం కానుండగా, మొత్తం టెలికం సర్వీసెస్ AGRలో యాక్సెస్ సేవల వాటా 72 శాతంగా ఉంది. టెలికం సెక్టార్ AGR అతి స్వల్పంగా 0.34 శాతం తగ్గి మార్చి క్వార్టర్‌లో రూ.35,932 కోట్లుగా ఉంది.

మార్చి క్వార్టర్‌లో లైసెన్స్ ఫీజు రూ.2,888 కోట్లు కాగా, అంతక్రితం త్రైమాసికంలో రూ.2,890 కోట్లుగా ఉంది.

స్వల్పంగా పడిపోయిన వసూళ్లు

మార్చి త్రైమాసికంలో లైసెన్స్ ఫీజు, వసూళ్లు స్వల్పంగా పడిపోయాయి. పోటీ తీవ్రత అధికంగా ఉండటం, పెరిగిన రుణస్థాయి, రుణ సర్వీసింగ్ కోసం మూలధన ఇన్ఫ్యూజన్‌పై పాత క్యారియర్‌ల కొనసాగింపు, టెలికం కంపెనీల మధ్య పోటీ కారణంగా వంటివి కారణాలు. కాగా, మార్చి త్రైమాసికంలో ఈ రంగ పనితీరుపై ట్రాయ్ నివేదిక విడుదల చేసింది. దీని ప్రకారం మార్చి చివరి నాటికి సబ్‌స్క్రైబర్ల సంఖ్య 118.35 కోట్లకు పడిపోయింది. ARPU వైర్‌లెస్ సేవల పరంగా మార్చి త్రైమాసికానికి 1.80 శాతం పెరిగి, రూ.71.39కి చేరుకుంది.