ఓలా ఎలక్ట్రిక్‌లో 24 శాతం వాటా

ఓలా మాతృ సంస్థ లో ఇప్పటికే 25% వాటా కలిగిన సాఫ్ట్ బ్యాంకు .... ఓలా ఎలక్ట్రిక్ లోనూ దాదాపు 24% వాటా ను సొంతం చేసుకొంది. సాఫ్ట్ బ్యాంకు వ్యవస్థాపకుడు మసాయాషి సొన్ ఇందులో 1 బిలియన్ డాలర్ల వరకు పెట్టుబడికి ఆసక్తి కనబరిచినప్పటికీ, ఓలా కో ఫౌండర్ భవిష్ అగర్వాల్ మాత్రం కంపెనీలో తన వాటాను తగ్గించుకునేందుకు అంగీకరించలేదట.

పైలట్ ప్రాజెక్టు

ఓలా ఎలక్ట్రిక్ ఇప్పటికే ఎలక్ట్రిక్ వాహనాల నిర్వహణ లో ప్రయోగాత్మక చర్యలను చేపట్టింది. దేశంలో తొలిసారిగా నాగపూర్ నగరం లో తన ఎలక్ట్రిక్ వాహనాలను పైలట్ ప్రాజెక్ట్ లో భాగంగా నడుపుతోంది. ఇది విజయవంతం అయితే మిగితా నగరాలకు తన సేవలను విస్తరించనుంది. తొలుత ద్విచక్ర, త్రిచక్ర వాహనాలను ఇందుకోసం ఓలా ఎలక్ట్రిక్ వినియోగిస్తోంది. క్రమంగా కార్లు సహా ఇతర భారీ వాహనాలను ప్రవేశ పెట్టె అవకాశాలు ఉన్నాయని పరిశ్రమ వర్గాలు పేర్కొంటున్నాయి.

ఎలక్ట్రిక్ వాహనాలకు ప్రోత్సాహం

పెరుగుతున్న కాలుష్యానికి విరుగుడుగా ఎలక్ట్రిక్ వాహనాలను ప్రోత్సహించాలని భారత ప్రభుత్వం కృత నిశ్చయంతో ఉంది. ఈ దిశగా ఇప్పటికే పలు చర్యలు తీసుకొంటోంది. నానాటికీ పెరిగి పోతున్న చమురు ధరలకు చెక్ పెట్టాలన్న... ఇంధనం కోసం విదేశాలపై ఆధారపడటం తగ్గించాలన్న ఎలక్ట్రిక్ వాహనాలు దిక్కుగా తోస్తోంది. అందుకే ఈ రంగంలో కలిసి పనిచేసేందుకు ప్రైవేట్ కంపెనీలతోనూ ప్రభుత్వం జట్టు కడుతోంది. ఈ దిశగా ఇప్పటికే ఓలా ఎలక్ట్రిక్ కూడా ప్రభుత్వం తో కలిసి రాణిస్తోంది.