For Quick Alerts
ALLOW NOTIFICATIONS  
For Daily Alerts

రూ.10 కోట్లకు కక్కుర్తి పడ్డారు.. వేల కోట్లకు బొక్కపడింది!

By Chanakya
|

ఇండియాబుల్స్ గ్రూపులో అవకతవకలు జరుగుతున్నాయి. ఐబీ గ్రూప్ ఛైర్మన్ మోసాలకు పాల్పడ్డారు. సుమారు రూ.98 వేల కోట్ల సొమ్ము దుర్వినియోగమైంది. ఛైర్మన్ సహా గ్రూపు డైరెక్టర్లంతా మూకుమ్మడిగా నిధులను పక్కదారి పట్టించారు. ప్రధానంగా చైర్మన్ సమీర్ గెహ్లాట్ సంస్థ నిధులను సొంతానికి వాడుకున్నారు. కంపెనీ నిధులను సొంత వ్యాపారాలకు, ఛైర్మన్ బంధువుల వ్యాపారాలకు మళ్లాయి. క్రెడిట్ రేటింగ్ ఏజెన్సీలు, ఆడిటర్లు కూడా గ్రూపుతో కుమ్మక్కయ్యారు. దీనిపై తక్షణం విచారణ జరిపించండి అంటూ అభయ్ యాదవ్ అనే పిటిషనర్ కోర్టులో పిటిషన్ దాఖలు చేశారు.
ఈ దెబ్బకు ఇండియాబుల్స్ గ్రూపులో ఉన్న ఐబి హౌసింగ్, ఐబి రియల్ ఎస్టేట్, ఐబి హోల్ సేల్ అనే కంపెనీల స్టాక్స కుప్పకూలాయి. ఏకంగా 10 నుంచి 20 శాతం వరకూ పతనమయ్యాయి.

రూ.98వేల కోట్ల దుర్వినియోగం, ఇండియాబుల్స్‌కు సుప్రీం కోర్టులో షాక్\రూ.98వేల కోట్ల దుర్వినియోగం, ఇండియాబుల్స్‌కు సుప్రీం కోర్టులో షాక్\

నిన్న ఏం జరిగింది (నిన్న)

నిన్న ఏం జరిగింది (నిన్న)

అభయ్ యాదవ్ దాఖలు చేసిన పిటిషన్‌పై ఇండియాబుల్స్ గ్రూప్ కూడా సుప్రీం కోర్ట్ తలుపుతట్టింది. ఉద్దేశపూర్వకంగా కొందరు తమపై బురదజల్లుతున్నారని, బ్లాక్ మెయిలింగ్‌కు పాల్పడ్తున్నారని నివేదించింది. రూ.10 కోట్లు ఇవ్వకపోతే ఇలా అనేక చట్ట సంస్థలకు ఇండియాబుల్స్‌ఫై ఫిర్యాదు చేసి మీ సంస్థను రోడ్డుకీడుస్తామంటూ కొంత మంది తమను బెదిరిస్తున్నారంటూ ఐబి గ్రూపు కోర్టుకు నివేదించింది. దీంతో ఈ కేసును తక్షణం విచారించాలా వద్దా అనే అంశాన్ని నిర్ణయించేందుకు గురువారం కోర్టులో వాదనలు వినాల్సి ఉంది.

ఈ రోజు ఇంట్రెస్టింగ్‌ ట్విస్ట్ (నేడు)

ఈ రోజు ఇంట్రెస్టింగ్‌ ట్విస్ట్ (నేడు)

''నాకు ఏ పాపమూ తెలియదు. నా చేత మే నెలలో ఇండియాబుల్స్‌కు చెందిన నాలుగు స్టాక్స్ కొనిపించారు. కొద్ది రోజుల క్రితం కొన్ని కాగితాలపై నా సంతకాలు తీసుకున్నారు. ఇండియాబుల్స్ పై ఏదో కేస్ పెట్టబోతున్నామని చెప్పారు. అంతే కానీ నాకు అసలు ఏం జరుగుతోందో కూడా తెలియదు. నా పేరును, సంతకాన్ని ఉపయోగించుకుని కొంత మంది దురుద్దేశపూర్వకంగా ఇండియాబుల్స్‌పై ఆరోపణలు చేశారు. నాకు ఇండియాబుల్స్ అంతర్గత వ్యవహారాలపైనా, కంపెనీ పనితీరు మీద ఎలాంటి అవగాహనా లేదు. అసలేం జరిగిందో, ఏం జరుగుతోందో కూడా నాకు తెలియదు. నన్ను మన్నించి వదిలేయండి. చేతులు జోడించి మీకు మొక్కుతున్నా.. ! " - సుప్రీంలో రిట్ పిటిషన్‌ను ఉపసంహరించుకుంటున్న సమయంలో అభయ్ రాసిన లేఖ.

మరి రేపు...

మరి రేపు...

చూశారుగా.. ఇదీ ఇండియాబుల్స్ గ్రూపులో తాజా డెవెలప్‌మెంట్. అభయ్ అనే వ్యక్తి తాను చేసిన ఫిర్యాదును వెనక్కి తీసుకోవడంతో ఐబీ గ్రూప్ స్టాక్స్ ఎగిరి గంతేశాయి. ఐబీ హౌసింగ్ పది శాతం వరకూ పెరిగింది. మిగిలిన స్టాక్స్ కూడా లాభాల బాట పట్టాయి. అయితే ఈ ట్విస్టులకు పుల్ స్టాప్ పడిందా అంటే మాత్రం ధైర్యంగా అవును అని చెప్పలేని స్థితి.

English summary

రూ.10 కోట్లకు కక్కుర్తి పడ్డారు.. వేల కోట్లకు బొక్కపడింది! | Indiabulls Housing surges by 11% After plea alleging Rs.98,000 crore scam withdrawn

Indiabulls Housing Finance Ltd shares jumped nearly 11% in intraday trade on Thursday as soon as the news broke that Abhay Yadav, who had filed a petition against promoter Sameer Gehlaut and the company over alleged fund misappropriation, has withdrawn his case in the Supreme Court.
Story first published: Thursday, June 13, 2019, 18:19 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X