అప్పుల ఊబిలో కూరుకుపోయిన భూషణ్ ఎనర్జీ లిమిటెడ్‌ను కొనుగోలు చేసినట్లు టాటా స్టీల్ ప్రకటించింది. భూషణ్ ఎనర్జీని దాదాపు రూ.800 కోట్లకు కొనుగోలు చేస్తున్నట్లు టాటా స్టీల్ చేసిన తీర్మానానికి నేషనల్ కంపెనీ లా ట్రైబ్యునల్ (ఎన్సీఎల్టీ) ఆమోదం తెలిపింది. ఈ నేపథ్యంలో టాటా స్టీల్ ఈ ప్రకటన చేసింది.

టాటా స్టీల్ బీఎస్‌ఎల్ విజయవంతంగా భూషణ్‌ ఎనర్జీ లిమిటెడ్‌ను కొనుగోలు పూర్తి చేసింది. ఈ కొనుగోలులో సెబీ నిబంధనలను పూర్తిగా పాటించామని టాటా స్టీల్ ఓ ప్రకటనలో తెలియజేసింది. గురువారం ఈ బిడ్‌కు సంబంధించి భూషణ్‌ ఎనర్జీ మాజీ ప్రమోటర్‌ నీరజ్ సింఘాల్ అభ్యంతరాలను ఎన్సీఎల్టీ ఢిల్లీ బెంచ్‌ తిరస్కరించింది.

భూషణ స్టీల్‌కు భూషణ్ ఎనర్జీ అనుబంధ సంస్థ. ఇప్పటికే టాటా స్టీల్ భూషణ్‌ స్టీల్‌ను కొనుగోలు చేసింది. అప్పట్లో రూ.35,200 కోట్లను ఈ డీల్ కోసం వెచ్చించింది. భూషణ్ ఎనర్జీ ఒడిశాలోని డెంకనాల్ కేంద్రంగా ఉంది. 2015-16 ఆర్థిక సంవత్సరంలో భూషణ్ స్టీల్ గ్రాస్ డెబిట్ రూ.2,336 కోట్లుగా ఉంది.