ఇలా టీడీఎస్ మినహాయింపు పొందవచ్చు

CBDT (సెంటర్ బోర్డ్ ఆప్ డైరెక్ట్ ట్యాక్సెస్) నోటిఫికే,న్ ప్రకారం... సీనియర్ సిటిజన్స్ బ్యాంకులు మరియు పోస్టాఫీస్‌లలో 15H ఫామ్ సబ్‌మిట్ చేసి టీడీఎస్ మినహాయింపును క్లెయిమ్ చేయవచ్చు. 2019-20 కొత్త బడ్జెట్‌లో రూ.5 లక్షల వార్షిక వేతనం ఉన్న వారికి పూర్తి ట్యాక్స్ మినహాయింపు ప్రకటించారు. ఇది 3 కోట్ల మంది మధ్యతరగతి ట్యాక్స్ పేయర్స్‌కు ప్రయోజనం.

15H సవరిస్తూ సీబీడీటీ నోటిఫికేషన్

ఇందులో భాగంగా ఫాం 15Hను సవరిస్తూ సీబీడీటీ నోటిఫికేషన్‌ జారీ చేసింది. ఆదాయపన్ను చట్టంలోని సెక్షన్ 87ఏ కింద అన్ని రకాల రాయితీలని పరిగణనలోకి తీసుకున్న అనంతరం, నికర ఆదాయం పన్ను పరిధిలో లేని వారి నుంచి ఫామ్‌15Hను బ్యాంకులు, ఆర్థిక సంస్థలు స్వీకరించాల్సి ఉంటుంది. వార్షిక ఆదాయం రూ.5 లక్షలు ఉన్నవారు తమ బ్యాంకు డిపాజిట్ల వడ్డీ నుంచి టీడీఎస్‌ కోయకుండా, ఆర్థిక సంవత్సరం ఆరంభంలో ఫామ్‌15Hను ఇవ్వవలసి ఉంటుంది.

ఫైనాన్షియల్ ఇయర్ ప్రారంభంలో ఇవ్వాలి

CBDT చేసిన సవరణల ప్రకారం బ్యాంకులు, ఇతర ఫైనాన్షియల్ ఇనిస్టిట్యూషన్స్ ఫామ్ 15Hను తీసుకోవాలి. 60 ఏళ్లకు పైబడిన వృద్ధులు ఫామ్ 15Hను సబ్‌మిట్ చేయాలి. వీరు బ్యాంకులకు ఫైనాన్షియల్ ఇయర్ ప్రారంభంలో ఇవ్వాలి.