రోబోల నుంచి జాబ్ కాపాడుకోవాలా?: సైన్స్ అండ్ టెక్నాలజీ కాదు.. ఈ ఫీల్డ్లో కెరీర్ ఎంచుకోండి!!
భారతదేశం కూడా ఆటోమేషన్ వైపు సాగుతోంది. మరోవైపు, స్టెమ్ ఎడ్యుకేషన్ (STEM-Science, technology, engineering, and mathematics) పైన అందరూ దృష్టి సారిస్తున్నారు. మార్కెట్లోకి రోబోలు కూడా వస్తున్నాయి. ఇలాంటి పరిస్థితుల్లో స్టెమ్ ఎడ్యుకేషన్ కంటే జాబ్ ప్రొటక్షన్కు ఇతర మార్గాలు ఉన్నాయని చెబుతున్నారు. ఆటోమేషన్ ప్రభావం తక్కువ ఉన్న సెక్టార్లో ఉద్యోగాల ప్రోత్సాహించడమే మంచిదని అభిప్రాయపడుతున్నారు.
ఇరాన్పై అష్టదిగ్బంధనం: భారత్కు షాకిచ్చేలా డొనాల్డ్ ట్రంప్ నిర్ణయం, ధరలు పైపైకి!
హ్యూమనిటీస్, ఆర్ట్స్, క్రాఫ్ట్స్, స్పోర్ట్స్ వైపు ఎక్కువగా ప్రోత్సహించడం మంచిదని అభిప్రాయపడుతున్నారు. ప్రపంచంలో అత్యంత వేగంగా అభివృద్ధి చెందుతున్న దేశాల్లో భారత్ ముందుంది. అదే సమయంలో వర్క్ ఫోర్స్ ఛాలెంజ్గా మారింది. ఎర్న్స్ట్ అండ్ యంగ్ స్టడీ 2018 ప్రకారం ఇండియన్ వర్క్ ఫోర్స్లోకి ప్రతి ఏడాది దాదాపు 17 మిలియన్ల మంది కొత్తగా ప్రవేశిస్తున్నారు. కానీ 5.5 మిలియన్ జాబ్స్ మాత్రమే ఉంటున్నాయి. వేగంగా అభివృద్ధి చెందుతున్న ఆర్థిక వ్యవస్థకు నిరుద్యోగం పెరగడం ఆందోళన కలిగించే అంశం.
వివిధ రంగాల్లో ఆర్టిఫిషియల్ ఇంటెలిజెన్స్ టెక్నాలజీస్ అడ్వాన్స్ అవుతోంది. కాబట్టి మరిన్ని ఉద్యోగాలు, ఉద్యోగ భద్రత కల్పించే ఆవశ్యకత ఉందని చెబుతున్నారు. కాబట్టి ఆటోమేషన్ ప్రభావం తక్కువగా ఉన్న సెక్టార్లపై దృష్టి సారించాలని అంటున్నారు. ఉదాహరణకు హెల్త్కేర్, ఎడ్యుకేషన్ వంటి సెక్టార్లు కచ్చితంగా హ్యూమన్ ఎంగేజ్మెంట్తోనే సాధ్యమని అంటున్నారు. వీటిని అంత సులభంగా ఆటోమేటెడ్ చేయలేమని అంటున్నారు.