గ్రూప్ ఇన్సూరెన్స్‌లో పాజిటివ్.. నెగిటివ్ పాయింట్స్

ఇవి కాస్త రేటు తక్కువ

రెగ్యులర్ ఇన్సూరెన్స్‌లతో పోలిస్తే గ్రూపు ఇన్సూరెన్స్‌ల ప్రీమియం తక్కువగా ఉంటుంది. ఎందుకంటే ఒక గ్రూప్ మొత్తానికి సర్వ్ చేస్తారు కాబట్టి వాల్యూమ్ గేమ్‌లో భాగంగా మీకు తక్కువకు వస్తుంది. ఒకే సారి ఎక్కువ మందికి తీసుకుంటారు, ప్రీమియం మొత్తం ఒకే సారి చేతికి అందుతుంది కాబట్టి సంస్థలు తక్కువకే బీమా సౌకర్యాన్ని కల్పిస్తాయి. అవసరాన్ని, అవగాహనను బట్టి ఈ ప్రీమియం మొత్తాన్ని కంపెనీ నేరుగా చెల్లించవచ్చు.. లేకపోతే ఉద్యోగుల నుంచి సేకరించి కంపెనీకి కట్టొచ్చు. ఇందులో ఏది పద్ధతి చూసినా డిస్ట్రిబ్యూషన్ ఖర్చులు అసలు ఉండవు కాబట్టి గ్రూప్ ఇన్సూరెన్స్‌లో ప్రీమియం తక్కువే ఉంటుంది.

తీసుకోవడం ఎంత వరకూ లాభం

గ్రూప్ ఇన్సూరెన్స్‌లనే పూర్తిగా గుడ్డిగా నమ్మి వాటినే ఎంచుకోవడం సరైంది కాదు. ముఖ్యంగా ఆరోగ్య బీమా విషయంలో మాత్రం వీటిని ప్రధాన ప్లాన్‌గా పెట్టుకోవద్దు. మీకు ఉన్న ఫ్యామిలీ ఫ్లోటర్‌కు దీన్ని ఓ అదనపు ప్లాన్‌గా మాత్రమే చూడాలి. మన కుటుంబ అవసరాలు, వ్యక్తిగత ఆరోగ్యానికి సంబంధించిన ఆప్షన్స్‌ను గ్రూప్ ఇన్సూరెన్స్ ఇవ్వలేకపోవచ్చు. వీటిని మన సౌలభ్యానికి తగ్గట్టు కస్టమైజ్ చేసుకోలేం. ఇవి పరిమిత కవరేజ్‌ ఉన్న ప్లాన్స్ మాత్రమే. పూర్తిగా మనం వీటిపైనే ఆధారపడ్డామని అనుకుందాం. ఒక వేళ ఉద్యోగం మానేసినా, వాళ్లు తీసేసినా మనకు హెల్త్, లైఫ్ కవర్ పూర్తిగా పోతుంది. ఒక ఏజ్ తర్వాత మనం కొత్తగా బీమా తీసుకోవాలంటే ప్రీమియం అధికంగా చెల్లించాల్సి రావొచ్చు. వీటికి తోడు ఆరోగ్య పరీక్షలు చేయించుకోమని సదరు బీమా కంపెనీలు ఆదేశించవచ్చు కూడా.

చివరగా..

బృంద బీమా అనేది కేవలం ఓ సెకెండరీ ఆప్షన్ మాత్రమే. దీన్నే ప్రైమరీగా పెట్టుకోవద్దు. లైఫ్, యాక్సిడెంటల్ ఇన్సూరెన్స్ వంటి వాటికి పనికి వస్తుందేమో కానీ హెల్త్ కవర్ విషయంలో మాత్రం మనకు సూట్ అయ్యే ప్రత్యేక ప్లాన్‌ను ఎంపిక చేసుకోవాలి. ఒకవేళ వయసు పైబడిన పేరెంట్స్ ఉంటే.. వాళ్లకు చవకగా గ్రూప్ ఇన్సూరెన్స్‌లో మీతోపాటు అడిషనల్‌గా బీమా లభిస్తే.. తీసుకోండి. దీన్ని మీ తల్లిదండ్రుల అవసరాలకు వరకూ మాత్రమే వాడుకోండి. మీకు ప్రత్యేకించి ఓ సెపరేట్ హెల్త్ కవర్ తీసుకోండి.