గుడ్‌న్యూస్, SBIలో 8,900 ఉద్యోగాలు: ఇలా దరఖాస్తు చేసుకోండి, మరిన్ని వివరాలు...

ఇలా దరఖాస్తు చేసుకోవాలి

అర్హత కలిగిన భారతీయుడి నుంచి ఎస్బీఐ దరఖాస్తులు ఆహ్వానించింది. దరఖాస్తు ఇలా పూర్తి చేయాలి.

- తొలుత sbi.co.in వెబ్‌సైట్‌లోకి వెళ్లాలి.

- Career పేజీ పైన క్లిక్ చేయండి. (కుడివైపున careers click here అని ఉంటుంది.)

- JOIN SBI పైన మౌస్ పెడితే... current openings అని కనిపిస్తుంది. దాని పైన క్లిక్ చేయాలి.

- పేజీ ఓపెన్ అవుతుంది. ఇందులో recruitment for junior associates ఆప్షన్ పైన క్లిక్ చేయాలి.

- Download Advertisement ను సెలక్ట్ చేసుకోవాలి. అప్లికేషన్ ప్రాసెస్ వివరాలు ఇందులో ఉంటాయి.

- Apply Online ద్వారా దరఖాస్తు చేసుకోవాలి.

- ఆ తర్వాత రిఫరెన్స్ కోసం ప్రింట్ అవుట్ తీసుకోవాలి.

క్లర్క్ ఉద్యోగానికి అర్హతలు

మొత్తం 8,653 ఖాళీలు ఉన్నాయి. మరో 251 బ్యాక్ లాగ్‌లతో కలిపి 8,904 పోస్టులు ఉన్నాయి. ఇందులో తెలంగాణలో 425, ఏపీలో 253 పోస్టులు ఉన్నాయి. పోస్ట్ పేరు.. జూనియర్ అసోసియేట్స్. దరఖాస్తు చేసుకునే వారు గ్రాడ్యుయేషన్ డిగ్రీ పూర్తి చేసి ఉండాలి. అభ్యర్థులు ఏ రాష్ట్రానికైనా దరఖాస్తు చేసుకోవచ్చు. అయితే పరీక్ష ఆ రాష్ట్రంలోనే రాయాల్సి ఉంటుంది. అలాగే లోకల్ లాంగ్వేజీ పరీక్షలో అర్హత సాధించాలి.

ఎలా ఎంపిక చేస్తారు, పరీక్షలు ఎప్పుడు?

ఆన్‌లైన్‌ పద్ధతి ద్వారా నిర్వహించే ప్రిలిమ్స్‌, మెయిన్స్‌ పరీక్షలు, అభ్యర్థులు ఎంపిక చేసుకునే లోకల్‌ లాంగ్వేజీ పైన నిర్వహించే టెస్ట్ ఆధారంగా అభ్యర్థుల ఎంపిక ఉంటుంది. ప్రిలిమ్స్‌ పరీక్షలో ప్రతిభ చూపే అభ్యర్థులలో పోస్టుల సంఖ్యకు పదిరెట్ల మందిని మెయిన్స్‌కు ఎంపిక చేస్తారు. మెయిన్స్‌లో సాధించిన మార్కులతో మెరిట్ లిస్ట్ తయారు చేస్తారు. ఎస్బీఐ ప్రిలిమినరీ పరీక్షలు జూన్ నెలలో ఉంటాయి. మెయిన్ ఎగ్జామ్స్ ఆగస్ట్ 10వ తేదీన ఉంటాయి.