భారత్‌లోని మైక్రో, స్మాల్ అండ్ మీడియం ఎంటర్‌ప్రైజెస్ (MSME)లో రానున్న నాలుగైదేళ్లలో 1 కోటి ఉద్యోగాలు కొత్తగా రానున్నాయని ఓ నివేదిక వెల్లడించింది. ఇది నోమురా రీసెర్చ్ ఇనిస్టిట్యూట్ (ఎన్నారై కన్సల్టింగ్ అండ్ సొల్యూషన్స్) నివేదిక. భారతీయ ఎంఎస్ఎఈలపై నివేదిక విడుదల చేశారు.

కొన్ని రంగాల్లోని ఎంఎస్‌ఎంఈల అభివృద్ధిపై అంకితభావంతో దృష్టి పెడితే వచ్చే అయిదేళ్లలో ఏళ్లలో అదనంగా 75 లక్షల నుంచి కోటి ఉపాధి అవకాశాలు అందుబాటులోకి రావొచ్చునని పేర్కొంది. 2017-18 ఆర్థిక సంవత్సరానికిగాను ఎంఎస్‌ఎంఈ మంత్రిత్వ శాఖ విడుదల చేసిన వార్షిక నివేదిక ప్రకారం ఈ సంస్థలు దేశీయ తయారీ రంగంలో డెబ్బై శాతం అంటే... దాదాపు 3.6 కోట్ల ఉద్యోగాలను ఇస్తున్నాయి.

కృత్రిమ ఆభరణాలు, క్రీడా ఉత్పత్తులు, శాస్త్రీయ పరికరాలు, టెక్స్‌టైల్‌ మెషినరీ, విద్యుత్ ఫ్యాన్లు, రబ్బర్‌, ప్లాస్టిక్‌, తోలు, దాని సంబంధిత ఉత్పత్తుల వంటి తయారీలో ఎంఎస్‌ఎంఈలు ఉన్నాయి. వీటి అభివృద్ధికి చిత్తశుద్ధితో పని చేస్తే ఉద్యోగాలు సృష్టించవచ్చునని ఈ నివేదిక పేర్కొంది.