ఆదాయపు పన్ను

తమ వేతనాలు ఆదాయపు పన్ను పరిధిలోకి రావని చాలామంది ఉద్యోగులు అనుకుంటారు. తాము ఇన్‌కమ్ ట్యాక్స్ రిటర్న్స్‌ ఫైల్ చేయాల్సిన అవసరం కూడా లేదనుకుంటారు. కానీ అది నిజం కాదు.

ఐటీఆర్ ఫైల్

ఉద్యోగంలో చేరినప్పటి నుంచి లేదా మరే ఆదాయం వస్తున్నా ఐటీఆర్ ఫైల్ చేయాలి. వచ్చిన ఆదాయమెంత? కట్టిన పన్నులెంత? అన్న లెక్కలు ఐటీఆర్‌లో చూపించడం మంచి పౌరుడి లక్షణమని అంటుంటారు నిపుణులు

లాభాలేంటంటే

అందుకే ఆదాయపు పన్ను పరిధిలోకి రాకపోయినా ఐటీఆర్ ఫైల్ చేయాలని చెబుతుంటారు. దాని వల్ల లాభాలేంటంటే

1.ఐటీఆర్

ఐటీఆర్ రసీదు ఉండటం ఫామ్ 16 కన్నా ఎక్కువ ఉపయోగకరం. మీకు ఆదాయం వచ్చే మార్గాలు, పన్నుల వివరాలన్నీ అందులో ఉంటాయి

2. రిజిస్టర్డ్ అడ్రస్‌

ఐటీఆర్ రసీదు మీ రిజిస్టర్డ్ అడ్రస్‌కు పంపిస్తారు. ఆ రసీదును నివాస ధృవీకరణ పత్రంగా ఉపయోగించుకోవచ్చు.

3.బ్యాంకులో

మీరు బ్యాంకులో హోమ్ లోన్, పర్సనల్ లోన్, ఆటో లోన్‌లాంటి రుణాలకు దరఖాస్తు చేసినప్పుడు మీ ఇన్‌కమ్ ట్యాక్స్ ఫైలింగ్ వివరాల ఆధారంగా మీకు ఆదాయం వచ్చే మార్గాలను బ్యాంకు అధికారులు సులువుగా లెక్కించగలరు.

4. ఐటీఆర్ ఫైల్ చేయకపోతే

మీరు ఐటీఆర్ ఫైల్ చేయకపోతే, మీ గత ఆర్థిక సంవత్సరంలోని ఖర్చులు/నష్టాలను ప్రస్తుత ఆర్థిక సంవత్సరంలోకి మార్చుకోలేరు. ఆదాయపు పన్ను నిబంధనల ప్రకారం గడువు లోగా ఐటీఆర్ ఫైల్ చేయకపోతే, నష్టాల వివరాలను భవిష్యత్తు సంవత్సరాలకు మార్చుకోలేరు. అందుకే అలాంటి నష్టాలు భవిష్యత్తులో అడ్జస్ట్ చేసుకోవాలంటే ఐటీఆర్ ఫైల్ చేయడం మంచిది

5 ఫిక్స్‌డిపాజిట్లపై

ఒకవేళ మీరు ఐటీఆర్ ఫైల్ చేయకపోతే ఆ ఆలస్యానికి పన్నుపై నెలకు 1% చొప్పున అదనంగా చెల్లించాల్సి ఉంటుంది. బ్యాంకులు నిర్దిష్ట స్థాయిని మించిన ఫిక్స్‌డిపాజిట్లపై వచ్చిన వడ్డీ నుంచి పన్నును తీసివేస్తాయి. ఆ పన్ను రీఫండ్ పొందాలనుకుంటే ఐటీఆర్ అవసరం.

జరిమానా

2017-18 ఆర్థిక సంవత్సరం నుంచి ఐటీఆర్ ఫైల్ చేయకపోతే రూ.10,000 జరిమానా విధిస్తారు. తర్వాతి సంవత్సరాల్లో కూడా ఆ రిమార్క్ అలాగే ఉంటుంది.

7. క్రెడిట్ కార్డ్

మీరు ఐటీఆర్ ఫైల్ చేయకపోతే బ్యాంకులు క్రెడిట్ కార్డ్ అప్లికేషన్ తిరస్కరించే అవకాశముంది.

8.ట్యాక్స్ రిటర్న్స్

గతంలో ట్యాక్స్ రిటర్న్స్ ఫైల్ చేసిన కాపీలను వీసా అధికారులు అడిగే అవకాశముంది. యూఎస్, యూకె, కెనెడా లాంటి దౌత్య కార్యాలయాలు ఫారిన్ వీసా అప్లికేషన్‌ ప్రాసెస్‌లో భాగంగా మీ ఐటీఆర్ గురించి పరిశీలించి చూస్తారు.

9.ఇన్సూరెన్స్ పాలసీ

ఎక్కువ మొత్తంలో ఇన్సూరెన్స్ పాలసీ తీసుకోవాలంటే ఇబ్బందులొస్తాయి. మీరు పన్ను ఎగ్గొట్టేవారి జాబితాలో ఉన్నారన్న అనుమానం వస్తే మీకు ఎక్కువ మొత్తంలో జీవిత బీమా ఇవ్వరు.

10.ఫామ్16

ఫ్రీ లాన్సర్, స్వయం ఉపాధి పొందుతున్నవారికి ఫామ్16 ఉండదు. అలాంటివారికి ఐటీఆర్ ఫైల్ చేయడం చాలా ముఖ్యం. వారి దగ్గర ఉండే ఒకే డాక్యుమెంట్ ఇది. లేకపోతే లోన్లు, ఇతర లావాదేవీల విషయంలో ఇబ్బందులు ఎదుర్కోవాల్సి వస్తుంది