అంతర్జాతీయ మార్కెట్ లో ముడి చమురు ధరలు చుక్కలు చూపెడుతున్నాయి,గురువారం బ్రెంట్‌ బ్యారెల్‌ ధర 0.33 డాలర్లు పెరిగి 73.81 డాలర్ల వద్ద ట్రేడ్‌ అవుతోంది.

ఈ ధర ముడి చమురుకు మూడేళ్ల గరిష్టస్థాయి. అమెరికాలో చమురు నిల్వలు భారీగా తగ్గిపోవడం, ముడిచమురు ధరలను పెంచేందుకు తగిన ప్రయత్నాలు చేస్తున్నామని సౌదీ అరేబియా ప్రకటన, ఏప్రిల్‌ 20వ తేదీ(శుక్రవారం) ఓపెక్‌ దేశాల సమావేశం అనంతరం చమురు ఉత్పత్తిలో కోత విధించవచ్చనే అంచనాలతో చమురు ధరలు పెరిగాయి.

గతరాత్రి అమెరికా మార్కెట్లో బ్రెంట్‌ బ్యారెల్‌ ధర 0.4శాతం పెరిగి 73.79 డాలర్లను తాకింది. ఇంతక్రితం 2014 డిసెంబర్‌ 1న చమురు ధర ఈ స్థాయికి చేరుకుంది. గత రాత్రి అమెరికాలో బ్రెంట్‌ బ్యారెల్‌ ధర 73.48 డాలర్ల వద్ద ముగిసింది.