వేస‌విలో ప్ర‌వేశ‌పెట్టిన కొత్త విమాన రూట్లు

గో ఎయిర్ దేశంలో కేవ‌లం ముఖ్య న‌గ‌రాల‌కు మాత్ర‌మే క‌నెక్టివిటీని క‌లిగి ఉంది. వేస‌వి కాలం సంద‌ర్భంగా కొన్ని రూట్ల‌లో కొత్త వాటిని ప్ర‌వేశ‌పెట్టింది. బెంగుళూరు-పుణె, పుణె-బెంగుళూరు, పుణె- కోల్‌క‌త‌, కోల్‌క‌త‌_పుణె మార్గాల్లో సైతం గోఎయిర్ విమ‌నాలు స‌మ్మ‌ర్‌లో తిరుగుతాయి. ప్ర‌స్తుతం పుణె, కోల్‌క‌త‌, బెంగుళూరు నుంచి రోజువారీ విమానాల‌ను ప్రారంభించేందుకు ప్ర‌య‌త్నాలు జ‌రుగుతున్నాయి.

టిక్కెట్ల బుకింగ్ మే 12-మే 15 మ‌ధ్య‌

ప‌రిమిత సీట్ల‌తో గోఎయిర్ వేస‌వి బుకింగ్‌ల‌ను ప్రారంభించింది. ఈ ఆఫ‌ర్లు పొందాలంటే మే 12 నుంచి మే 15 మ‌ధ్య బుకింగ్ చేసుకోవాలి. ఒక‌వేళ ఈ టిక్కెట్ల‌ను ర‌ద్దు చేసుకోవాల‌నుకుంటే టిక్కెట్ల రుసుము ఏ మాత్రం వెన‌క్కు రాద‌ని గోఎయిర్ తెలిపింది. ఈ ఆఫ‌ర్లో గ్రూప్ రాయితీ ల‌భించ‌దు. ప‌న్నులు, స‌ర్‌చార్జీ టిక్కెట్ ధ‌ర‌కు అద‌నం.

టిక్కెట్ల బుకింగ్‌

గో ఎయిర్ వెబ్‌సైట్, గో ఎయిర్ టిక్కెటింగ్ కౌంట‌ర్లు, గో ఎయిర్ కాల్ సెంట‌ర్లు, ట్రావెల్ ఏజెంట్ల ద‌గ్గ‌ర చేసుకునే బుకింగ్‌ల‌కు మాత్ర‌మే మాన్‌సూన్ ఆఫ‌ర్ వ‌ర్తిస్తుంది. ఇన్‌ఫాంట్ బుకింగ్‌ల‌కు ఈ ఆఫ‌ర్ వ‌ర్తించ‌ద‌ని గో ఎయిర్ వెబ్ సైట్ పేర్కొంది. కొన్ని బ్లాక్ అవుట్ తేదీల్లో సైతం ఆఫ‌ర్ ధ‌ర వ‌ర్తించ‌దు. బుకింగ్ స‌మ‌యంలో దీన్ని స‌రిచూసుకోవాలి.

గో ఎయిర్ గురించి

2005 సంవ‌త్స‌రంలో ప్రారంభ‌మైన ఈ సంస్థ చాలా వేగంగా దేశీయ రూట్ల‌కు విస్త‌రించింది. త‌క్కువ ధ‌ర‌ల్లోనే టిక్కెట్ల‌ను అందించ‌డం ఈ విమానయాన సంస్థ ప్ర‌త్యేక‌త. భార‌త దేశంలో 22 గ‌మ్య‌స్థానాల‌కు విమానాల‌ను న‌డుపుతోంది. దేశీయంగా ప్ర‌తి రోజూ 140 విమానాల‌తో స‌హా స‌గ‌టున వారానికి 975 విమానాల‌ను న‌డిపిస్తోంది.