8 నుంచి 7.9 శాతానికి

ప్ర‌జ‌ల్లో ఎక్కువ‌గా ప్రాచుర్యం పొందిన దీర్ఘ‌కాల పొదుపు ప‌థ‌కం పీపీఎఫ్‌, 5 ఏళ్ల జాతీయ పొదుపు ప‌త్రం వ‌డ్డీ రేట్ల‌ను ప్ర‌స్తుతం ఉన్న 8 శాతం నుంచి 7.9 శాతానికి త‌గ్గించారు. దీంతో పీపీఎఫ్ వ‌డ్డీ రేట్లు గ‌త 40 ఏళ్ల‌లో ఎన్న‌డూ లేనంత క‌నిష్టానికి వెళ్లాయి.

సుక‌న్య స‌మృద్ది ఖాతా

బాలిక‌ల కోసం ఉద్దేశించిన సుక‌న్య స‌మృద్ది ప‌థ‌కం ఇప్ప‌టికే అమ్మాయుల త‌ల్లిదండ్రుల‌ను పెద్ద‌గా ఆక‌ర్షించ‌లేదు. ప్ర‌స్తుతం దీని వార్షిక వ‌డ్డీ రేటు 8.5% ఉండ‌గా ఇక‌పై 8.4 శాతానికి త‌గ్గించారు.

మిగిలిన ప‌థ‌కాల వ‌డ్డీ రేట్లు

కిసాన్ వికాస్ ప‌త్ర వ‌డ్డీ రేట్లు 7.6 శాతానికి త‌గ్గించారు. గ‌తంలో ఈ వ‌డ్డీ రేటు 7.7% ఉండేది. 5 సంవ‌త్స‌రాల సీనియ‌ర్ సిటిజ‌న్ పొదుపు ప‌థకం వ‌డ్డీ రేటు 7.9 శాతానికి త‌గ్గించారు. మామూలుగా పొదుపు ఖాతాలో నిల్వ ఉంచే డ‌బ్బుపై వ‌డ్డీరేటును 4 శాతం వ‌ద్దే య‌థాత‌థంగా ఉంచారు.

ట‌ర్మ్ డిపాజిట్ల రేట్లు

1 నుంచి 5 సంవ‌త్స‌రాల కాల‌వ్య‌వ‌ధి క‌లిగిన ట‌ర్మ్ డిపాజిట్ వ‌డ్డీ రేట్ల‌ను 6.9 - 7.7 శాతం మ‌ధ్యకు త‌గ్గించారు. ట‌ర్మ్ డిపాజిట్ల వ‌డ్డీ రేట్ల‌ను మూడు నెల‌ల‌కొక‌సారి చెల్లిస్తారు. ఐదేళ్ల రిక‌రింగ్ డిపాజిట్ వ‌డ్డీ రేటు 7.2 శాతానికి త‌గ్గింది.