అక్టోబ‌ర్ మాసం పండుగ‌ల సీజ‌న్ కావ‌డంతో బ్యాంకుల‌కు వ‌రుస సెల‌వులు వ‌స్తున్నాయి. కొన్ని రాష్ట్రాల్లో వ‌రుస సెలవులతో న‌గ‌దు డిపాజిట్ చేసేవారికి, చెక్కులు డ్రా చేసే వారికి సైతం ఇబ్బందులు క‌ల‌గ‌వ‌చ్చు. దీంతో ముందుగానే ఈ వ‌రుస సెలవులను దృష్టిలో ఉంచుకుని త‌గిన ఏర్పాట్లు చేసుకోండి.
క‌ర్ణాట‌క‌లో అక్టోబ‌ర్ 8,9,10.11,12 వ‌రుస‌గా బ్యాంకుల‌కు సెల‌వులు ఉన్నాయి. దాని త‌ర్వాత మ‌ళ్లీ రెండు రోజులు 13,14 మాత్ర‌మే బ్యాంకుల‌కు ప‌నిదినాలు. దాని త‌ర్వాత మ‌ళ్లీ వాల్మీకి జ‌యంతి సంద‌ర్భంగా క‌ర్ణాట‌క‌లో బ్యాంకుల‌కు 15 సెల‌వు. 16 వ తేదీ ఆదివారం బ్యాంకులు ప‌నిచేయవు.

రెండో శ‌నివారం, ఆదివారం సంద‌ర్భంగా ఆంధ్ర‌ప్ర‌దేశ్‌, తెలంగాణ‌ల్లో 8,9 వ‌రుస సెల‌వులు. త‌ర్వాత 10వ తేదీ బ్యాంకులు ప‌నిచేస్తాయి. మ‌ళ్లీ విజ‌య‌ద‌శ‌మి, మొహ‌రం సంద‌ర్భంగా 11,12 తేదీల్లో సెల‌వు. త‌ర్వాత వ‌రుస‌గా బ్యాంకులు మామూలుగా ప‌నిచేస్తాయి. 22 వ తేదీ నాలుగో శ‌నివారం సంద‌ర్భంగా సెల‌వు. అక్టోబ‌ర్ 30 దీపావ‌ళి ఉన్న‌ప్ప‌టికీ ఆ రోజు ఎలాగో ఆదివారం కాబ‌ట్టి స‌మ‌స్య లేదు.

వ‌రుస సెల‌వులు ఉన్న‌ప్పుడు, మ‌రీ ఇది పండ‌గ సీజ‌న్ కాబ‌ట్టి ఒక్కోసారి హ‌ఠాత్తుగా కొన్ని ఏటీఎమ్‌ల్లో డ‌బ్బులు తొంద‌ర‌గా అయిపోవ‌చ్చు. కాబ‌ట్టి సెలవుల‌ను బ‌ట్టి మీ విత్‌డ్రా ప్లాన్‌ల‌ను చేసుకునేందుకు ప్ర‌య‌త్నించండి. సాధ్య‌మైనంత వ‌ర‌కూ మొబైల్‌, ఇంట‌ర్నెట్ బ్యాంకింగ్‌ల‌ను వాడితే మంచిది.