ఆంధ్రాబ్యాంకు Q4 ఫలితాలు

మార్చి 31 నాటికి స్థూల ఎన్‌పిఎలు వార్షికంగా 5.29 శాతం నుంచి 5.31 శాతానికి పెరిగినా నికర ఎన్‌పిఎలు 3.11 శాతం నుంచి 2.93 శాతానికి తగ్గాయని ఆయన చెప్పారు. పరిస్థితులు కొంత ప్రతికూలంగానే ఉన్నప్పటికీ ఇటీవల కాలంలో తాము అత్యుత్తమ పనితీరు ప్రదర్శించిన త్రైమాసికం ఇదేనని అన్నారు. రుణాలపై రాబడి 6.7 శాతం పెరిగి డిపాజిట్‌ వ్యయాలు 3.3 శాతానికి తగ్గడంతో నికర వడ్డీ మార్జిన్‌ పెరిగి లాభాల్లో సాధ్యమయిందని ఆయన తెలిపారు.

ఆంధ్రాబ్యాంకు Q4 ఫలితాలు

దీనికి తోడు ఎన్‌పిఎలుగా మారిన రుణాల వసూలు గత ఏడాదితో పోల్చితే 689 కోట్ల రూపాయల నుంచి 2405 కోట్ల రూపాయలకు పెరగడం కూడా బ్యాంకుపై భారం తగ్గడానికి దోహదపడిందని ఆయన అన్నారు. మొత్తం మీద గత ఏడాది 13,982.22 కోట్ల రూపాయల విలువ గల రుణాలను పునర్‌వ్యవస్థీకరించామని ఆయన చెప్పారు. ఏడాది మొత్తం మీద వెయ్యి కోట్ల రూపాయలు కొత్త ఎన్‌పిఏలుగా నమోదయ్యాయని తెలిపారు.

ఆంధ్రాబ్యాంకు Q4 ఫలితాలు

వచ్చే మూడేళ్లలో ఆంధ్రా బ్యాంకు వెయ్యికి పైగా శాఖలను ఏర్పాటు చేయనుందన్నారు. ఈ ఆర్థిక సంవత్సరం (2015-16) తొలి త్రైమాసికంలో దేశవ్యాప్తంగా 300 కొత్త శాఖలు ప్రారంభించనున్నట్టు ఆయన తెలిపారు. ప్రస్తుతం బ్యాంకుకు మొత్తం 2,507 శాఖలు, 2,232 ఏటీఎంలు ఉన్నాయని అన్నారు.

ఆంధ్రాబ్యాంకు Q4 ఫలితాలు

తెలుగు రాష్ర్టాల్లో కొత్త బ్రాంచిల ఏర్పాటులో తెలంగాణకు ప్రాధాన్యం ఇస్తున్నట్టు ఆయన చెప్పారు. ఆంధ్రప్రదేశ్‌లో ఇప్పటికే 850 శాఖలుండగా తెలంగాణలో 500 శాఖలు మాత్రమే ఉన్నాయని, అందుకే ఇక్కడ అధిక శాఖలు ఏర్పాటు చేస్తున్నామని ఆయన వివరించారు. ఆంధ్రప్రదేశ్‌లో తక్కువ శాఖలున్న విశాఖపట్టణం, శ్రీకాకుళం, కడప జిల్లాలకు కొత్త శాఖల ఏర్పాటులో ప్రాధాన్యత ఇస్తామని ఆయన అన్నారు.