2017కు పూర్తికానున్న తొలిదశలో 100 ఎంబీబీఎస్ సీట్లతో కళాశాల, 500 పడకల ఆసుపత్రి పనులు పూర్తి అవుతాయని అపోలో గ్రూప్ ఆసుపత్రిల తూర్పు ముఖ్య కార్యనిర్వహణాధికారి (సీఈఓ) రూపాలి బసు చెప్పారు.

150 ఎంబీబీఎస్ సీట్లు, 1000కి ఆసుపత్రి పడకలు రెండోదళ నిర్మాణంలో విస్తరించేందుకు సన్నాహాలు చేస్తున్నామని.. ఇది 2020 కల్లా పూర్తవుతుందని ఆమె తెలిపారు. ఇప్పటికే హైదరాబాద్‌లో అపోల్ గ్రూప్‌కు ఒక మెడికల్ కాలేజీ ఉండగా... ఇది రెండవది. ఎంబీబీఎస్‌తో పాటు ఇతర కోర్సులు బోధిస్తామని, వైద్యులు సహా 5,000 మందికి ఉపాధి అవకాశాలు ఇక్కడ కల్పించనున్నామని బసు తెలిపారు.