పోస్టాఫీస్ సేవింగ్స్ ఖాతాదారులకు శుభవార్త... అందుబాటులోకి మొబైల్ బ్యాంకింగ్ సదుపాయం

ఎవరు మొబైల్ బ్యాంకింగ్ సదుపాయాన్ని వాడుకోవచ్చంటే...

* సీబీఎస్ పోస్ట్ ఆఫీస్ లో కస్టమర్లు తప్పనిసరిగా సేవింగ్స్ ఖాతాను కలిగి ఉండాలి.

* ఇంటర్నెట్ బ్యాంకింగ్ కు సంభందించి వాలిడ్ లాగిన్, ట్రాన్సాక్షన్ పాస్ వర్డ్ కలిగి ఉండాలి.కస్టమర్లు నెట్ బ్యాంకింగ్ తో పాటు మొబైల్ బ్యాంకింగ్ ఆప్షన్ ను ఎనేబుల్ చేసుకోవాలి.

* సింగిల్ లేదా జాయింట్ 'బి' ఖాతా రకం కస్టమర్లు అర్హులు.

* జాయింట్ 'ఏ' మైనర్, నిరక్షరాస్యులు, బ్రాంచ్ ఆఫీస్ అకౌంట్స్ మొబైల్ బ్యాంకింగ్ సదుపాయాన్ని పొందటానికి అవకాశం ఉండదు.

మొబైల్ బ్యాంకింగ్ కు ఇవి అవసరం..

* మొబైల్ బ్యాంకింగ్ సదుపాయాన్ని వినియోగించుకోవాలనుకుంటే దానికి కొన్ని వివరాలు అందించాల్సి ఉంటుంది. అవేమిటంటే..

* కస్టమర్ కు తప్పనిసరిగా వినియోగంలో ఉన్న ఇమెయిల్ ఐడీ ఉండాలి.

* వాలిడ్ పాన్ తప్పనిసరి

* మొబైల్ నెంబర్

* సీఐఎఫ్ ఐడీ లేదా కస్టమర్ ఐడీ ఉండాలి. ఇది కస్టమర్ పాస్ బుక్ లోని మొదటి పేజీలో ప్రింట్ చేసి ఉంటుంది.

దరఖాస్తు ఇలా ...

* అర్హత కలిగిన పోస్టాఫీసు సేవింగ్స్ ఖాతాదారులు మొబైల్ బ్యాంకింగ్ సదుపాయం కోసం బ్రాంచ్ ఆఫిసులో కాకుండా సీబీఎస్ హెడ్/సబ్ పోస్టాఫీసులో దరఖాస్తు చేసుకోవాల్సి ఉంటుంది.

* కేవైసీకీ సంబందించిన ప్రక్రియను పూర్తి పూర్తి చేయాలి. సేవింగ్స్ ఖాతా ఉన్న సీబీఎస్ పోస్టాఫీసులో ఫామ్ ను ఇవ్వాల్సి ఉంటుంది.

* మొబైల్ బ్యాంకింగ్ సదుపాయం కోసం మొబైల్ నెంబర్ తప్పనిసరి. ఒకే నెంబర్ ను మరో కస్టమర్ ఐడీకి వినియోగించరాదు.

* దరఖాస్తు సమర్పించిన తర్వాత మొబైల్ బ్యాంకింగ్ సదుపాయాన్ని ఎనేబుల్ చేస్తారు.

* ఇండియా పోస్ట్ మొబైల్ బ్యాంకింగ్ యాప్ ను గూగుల్ ప్లే స్టోర్ నుంచి డౌన్లోడ్ చేసుకోవచ్చు.

ఈ సదుపాయాలు ఉంటాయి...

* మొబైల్ బ్యాంకింగ్ ద్వారా సేవింగ్స్, రీకరింగ్ డిపాజిట్, పీపీఎఫ్, పీపీఎఫ్ పై లోన్, నేషనల్ సేవింగ్స్ సర్టిఫికెట్ కు సంబంధించిన వివరాలు పొందవచ్చు..

* లావాదేవీల వివరాలు

* సేవింగ్, పీపీఎఫ్ మినీ స్టేట్ మెంట్

* సొంత సేవింగ్స్ అకౌంట్, ఇతర పోస్ట్ ఆఫీస్ సేవింగ్స్ ఖాతాలకు ఫండ్స్ ట్రాన్స్ఫర్ చేయవచ్చు.

* ఆర్దీ అకౌంట్ ఓపెనింగ్, టైం డిపాజిట్ అకౌంట్ ఓపెనింగ్

* చెక్ పేమెంట్ నిలిపివేత అభ్యర్థన

మొబైల్ బ్యాంకింగ్ అవసరం లేదనుకుంటే పోస్టాఫీసు శాఖకు వెళ్లి దరఖాస్తు చేసుకుంటే ఈ సదుపాయాన్ని డిజేబుల్ చేస్తారు.