ఆమ్ ఆద్మీ బీమా యోజ‌న ద్వారా రూ.30 వేల బీమా

అర్హ‌త‌

బీమా చేయించుకునే వ్య‌క్తి 18 నుంచి 59 సంవ‌త్స‌రాల లోపు వ‌య‌సు క‌లిగి ఉండాలి. ఆ వ్య‌క్తి భూమి లేని గ్రామీణ కుటుంబ పెద్ద, లేదా ఆ కుటుంబంలో సంపాదించే వ్య‌క్తి అయి ఉండాలి.

ప్ర‌యోజ‌నాలు

బీమాదారు కాల‌వ్య‌వ‌ధి ముగియ‌క‌ముందే హ‌ఠాత్తుగా మ‌ర‌ణిస్తే, బీమా చేయ‌బ‌డిన మొత్తం రూ.30వేల‌ను నామినీకి అంద‌జేస్తారు. భూమి లేని నిరుపేదలు, దారిద్ర్య‌రేఖ‌కు దిగువ‌న ఉన్న వారు ఎవ‌రైనా ఈ ప‌థ‌కానికి అర్హులు. ** పాల‌సీ గురించిన మ‌రిన్ని వివ‌రాల కోసం **

https://www.licindia.in/Products/Aam-Aadmi-Bima-Yojana

ప్ర‌మాద ప్ర‌యోజ‌నాలు:

బీమా చేయించుకున్న వ్య‌క్తి ప్ర‌మాదం కార‌ణంగా మ‌ర‌ణించినా, ప్ర‌మాదంలో పూర్తి లేదా పాక్షిక అంగ‌వైక‌ల్యం పొందినా ఈ కింది విధంగా ప్ర‌యోజ‌నాల‌ను అందిస్తారు.

ప్ర‌మాదం కార‌ణంగా మ‌రణిస్తే రూ.75,000

ప్ర‌మాదం వ‌ల్ల పూర్తి, శాశ్వ‌త అంగ‌వైక‌ల్యం క‌లిగితే రూ.76,000

ప్ర‌మాదంలో రెండూ క‌ళ్లూ, రెండు అవ‌య‌వాలూ,

లేదా ఒక కన్ను, ఒక కాలో, ఒక చేయి కోల్పోతే రూ.75,000

ఒక క‌న్ను, లేదా ఒక కాలో, ఒక చెయ్యి పోయిన‌ప్పుడు రూ.37,500

ఉప‌కార వేత‌నాలు

ఈ బీమా ప‌థ‌కం కింద దీనిలోని స‌భ్యుల పిల్ల‌ల‌కు ఉప‌కార‌వేత‌నం రూపంలో ఒక అద‌న‌పు ఉచిత ప్ర‌యోజ‌నం చేకూరుతుంది. ఇద్ద‌రికి మించ‌కుండా 9 నుంచి 12 త‌ర‌గ‌తులు చ‌దువుతున్న పిల్ల‌ల‌కు నెల‌కు రూ.100 చొప్పున ఉప‌కార వేత‌నం అందుతుంది. ఈ మొత్తాన్ని ఆరు నెల‌ల‌కొక‌సారి ప్ర‌తి సంవ‌త్స‌రం జ‌న‌వ‌రి 1న‌, జులై 1న చెల్లిస్తారు.

ప్రీమియం

ఈ ప‌థ‌కంలో ప్రీమియం రూ. 200, ఇందులో 50% మొత్తాన్ని ఇందుకోసం కేంద్ర‌ప్ర‌భుత్వంచే ప్ర‌త్యేకంగా ఏర్పాటు చేయ‌బ‌డిన నిధి నుంచి స‌బ్సిడీ నుంచి చెల్లిస్తారు. మిగిలిన మొత్తాన్ని రాష్ట్ర ప్ర‌భుత్వం భ‌రిస్తుంది.

వ‌య‌సుకు సంబంధించి రుజువులు

1. రేష‌న్ కార్డు
2. పుట్టిన తేదీకి సంబంధించి రిజిస్టర్‌లోనిది
3. పాఠ‌శాల స‌ర్టిఫికేట్లో పుట్టిన తేదీ రుజువు
4. వోట‌ర్ జాబితాలో పేరు
5. ప్ర‌భుత్వం లేదా పేరున్న సంస్థ‌లు జారీ చేసే రుజువు
6. ఆధార్ కార్డు