పెద్ద బ్యాంకులు సరే.. సేవింగ్స్ అకౌంట్‌పై ఈ బ్యాంకులు మంచి ఆఫర్

స్టేట్ బ్యాంక్ ఆఫ్ ఇండియా(SBI), ICIC, HDFC బ్యాంకుల్లో కరోనా కాలంలో వడ్డీ రేట్లను తగ్గిస్తూ వచ్చిన విషయం తెలిసిందే. IDFC ఫస్ట్ బ్యాంకు, బంధన్ బ్యాంకులతో పాటు స్మాల్ ఫైనాన్స్ బ్యాంకులైన ఈక్విటాస్, ఉత్కర్ష్ వంటివి సేవింగ్స్ అకౌంట్స్ పైన 7 శాతం వడ్డీ రేటును అందిస్తున్నాయి. ఫిక్స్‌డ్ డిపాజిట్ వడ్డీ రేట్లు గత కొద్ది నెలలుగా తగ్గుతున్నాయి. రిటైల్ ఇన్వెస్టర్లు లాభదాయకమైన వాటివైపు చూడవచ్చు. HDFC బ్యాంకు, ICICI బ్యాంకు తమ సేవింగ్స్ ఖాతాదారులకు 3 శాతం నుండి 3.5 శాతం ఆఫర్ చేస్తున్నాయి. ఎస్బీఐ సేవింగ్స్ అకౌంట్ 2.70 శాతం అందిస్తోంది. కింది బ్యాంకులు సేవింగ్స్ అకౌంట్ పైన ఇలా ఇస్తున్నాయి...

IDFC ఫస్ట్ బ్యాంకు వడ్డీ రేటు

IDFC ఫస్ట్ బ్యాంకులో రూ.1 లక్ష వరకు బ్యాలెన్స్ పైన(సేవింగ్స్ అకౌంట్) 6 శాతం వరకు వడ్డీ ఆఫర్ చేస్తోంది. రూ.1 లక్షకు పైనుండి రూ.10 కోట్ల వరకు ఉన్న మొత్తంపై 7 శాతం వడ్డీ ఇస్తోంది.

రూ.1 లక్షపై 6%

రూ.1 లక్ష నుండి రూ.10 కోట్ల వరకు 7%

రూ.10 కోట్ల నుండి రూ.50 కోట్ల వరకు 4.5%

రూ.50 కోట్ల నుండి రూ.100 కోట్ల వరకు 4%

రూ.100 కోట్లకు పైన 3.50% వడ్డీ రేట్లు అందిస్తోంది.

బంధన్ బ్యాంకు వడ్డీ రేటు

బంధన్ బ్యాంకు వడ్డీ రూ.1 లక్షకు 3 శాతం, రోజువారీ బ్యాలెన్స్ పైన రూ.1 లక్ష నుంచి రూ.10 కోట్ల వరకు, 6.55 శాతం రోజువారీ బ్యాలెన్స్ పై రూ.10 కోట్ల నుంచి రూ.50 కోట్ల వరకు 7.15 శాతం వడ్డీ రేట్లను అందిస్తోంది.

డైలీ బ్యాలెన్స్ రూ.1 లక్ష వరకు 3%

డైలీ బ్యాలెన్స్ రూ.1 లక్ష నుండి రూ.10 కోట్ల పైన 6%

డైలీ బ్యాలెన్స్ రూ.10 కోట్ల నుండి రూ.50 కోట్ల పైన 6.55%

డైలీ బ్యాలెన్స్ రూ.50 కోట్లకు పైన 7.15% వడ్డీ అందిస్తోంది.

ఈ బ్యాంకులు కూడా

ఈక్విటీస్ స్మాల్ ఫైనాన్స్ బ్యాంకు రూ.1 లక్ష వరకు డైలీ బ్యాలెన్స్ పైన 3.5 శాతం వడ్డీని, రూ.1 లక్ష నుండి రూ.30 కోట్ల వరకు డైలీ బ్యాలెన్స్ పైన 7 శాతం వడ్డీని, రూ.30 కోట్ల నుండి రూ.50 కోట్ల వరకు వరకు డైలీ బ్యాలెన్స్ పైన 7.25 శాతం వడ్డీని అందిస్తోంది.

ఉత్కర్ష్ స్మాల్ ఫైనాన్స్ బ్యాంకు డైలీ బ్యాలెనన్స్ రూ.1 లక్ష వరకు 5 శాతం వడ్డీని, రూ.1 లక్ష నుండి రూ.25 లక్షల డైలీ బ్యాలెన్స్ పైన 6 శాతం వడ్డీ రేటును అందిస్తోంది.