వద్దు వద్దు.. నామినీని మరవొద్దు

జీవిత బీమా పాలసీలు

బీమా పాలసీని తీసుకునే సమయంలో నామినీ వివరాలు అందించాల్సి ఉంటుంది. వ్యక్తి మరణించిన సమయంలో ఆ వ్యక్తి పాలసీకి సంబంధించిన ప్రయోజనాలను నామినీ పొందడానికి అవకాశం ఉంటుంది. ఒకటికన్నా ఎక్కువ మందిని నామినేట్ చేసినప్పుడు వారి వాటాను పేర్కొనాల్సి వస్తుంది.

బ్యాంక్ ఖాతాలు

బ్యాంకు ఖాతాలో ఒకరి పేరును మాత్రమే నామినీగా పేర్కొనాల్సి ఉంటుంది. ఒకవేళ ఉమ్మడిగా బ్యాంకు లాకర్ ఖాతాను నిర్వహిస్తుంటే మాత్రం ఇద్దరి వరకు నామినేషన్ కు అనుమతిస్తారు. ఫిక్స్డ్ డిపాజిట్, సేవింగ్స్, రీకరింగ్ డిపాజిట్ ఖాతాలు ఒకే బ్యాంకులో ఉన్నప్పుడు వేర్వేరు నామినీలను ఎంచుకోవచ్చు.

మ్యూచువల్ ఫండ్స్

మ్యూచువల్ ఫండ్స్ లో ముగ్గురి వరకు వ్యక్తులను నామినేట్ చేయవచ్చు. యూనిట్లను కలిగి ఉన్న వ్యక్తి దురదృష్ట వశాత్తు మరణించినట్టయితే ఆ యూనిట్లను నామినీకి బదలాయించడానికి అవకాశం ఉంటుంది. కొత్త ఫోలియో లు లేదా ఖాతాలు తెరిచినపుడు నామినేషన్ సదుపాయాన్ని తప్పనిసరి చేశారు. కుటుంబ సభ్యుడు, స్నేహితుడు, ఇతర వ్యక్తులను కూడా నామినీగా పేర్కొనే సదుపాయం కల్పిస్తున్నారు.

ప్రావిడెంట్ ఫండ్

ప్రావిడెంట్ ఫండ్ ఒకరికి మించి నామినేషన్లకు అనుమతిస్తుంది. ఇందులో ప్రతి నామినీ వాటాను పేర్కొనాల్సి ఉంటుంది.

నామినీ వివరాల్లో మార్పులు చేసుకోవద్దని అవకాశం ఉంటుంది. అయితే ఇందుకు కొన్ని పద్ధతులను పాటించాల్సి ఉంటుంది. ఎప్పుడైనా నామినీ వివరాలు ఇవ్వడమే మేలు. సంబంధిత వ్యక్తి మరణించిన సమయంలో అతనికి సంబంధించిన ఆస్తులను పొందే విషయంలో ఎలాంటి వివాదాలు లేకుండా ఉంటాయి. అంతే కాకుండా ఆర్ధిక ప్రయోజనాలను పొందడంలోనూ ఇబ్బందులు లేకుండా ఉంటాయి.