Click it and Unblock the Notifications
న్యూఢిల్లీ: దేశీయ వీడియో ఈ-కామర్స్ ప్లాట్ఫామ్ సిమ్సిమ్.. ఇక చేతులు మారనుంది. గుర్గావ్ ప్రధాన కేంద్రంగా తన కార్యకలాపాలను సాగిస్తోన్న ఈ స్టార్టప్ కంపెనీని కొనుగోలు చేయనున్నట్లు సోషల్ మీడియా దిగ్గజం యుబ్యూబ్ ప్రకటించింది. కొత్త కస్టమర్లకు మరింత చేరువ కావడానికి ఇలాంటి చిన్నతరహా సోషల్ మీడియా ప్లాట్ఫామ్లను మరింత ప్రోత్సహించే క్రమంలో ఈ డీల్ కుదిరినట్లు మార్కెట్ వర్గాలు అంచనా వేస్తోన్నాయి. ఎంత మొత్తానికి యుట్యూబ్ దీన్ని కొనుగోలు చేయనుందనే విషయం అధికారికంగా తెలియరాలేదు. అయినప్పటికీ- ఈ రెండు సంస్థల మధ్య కుదిరే కాంట్రాక్ట్..విలువ ఎంత బిలియన్ డాలర్ల కొద్దీ ఉండొచ్చని తెలుస్తోంది. తొలిదశలో 10 బిలియన్ల మేర పెట్టుబడులను పెట్టడానికి యుట్యూబ్ గ్రీన్ సిగ్నల్ ఇచ్చింది.
లోకల్ ప్రొడక్ట్కు మార్కెటింగ్ సౌకర్యాన్ని కల్పించడానికి ఏర్పాటు చేసిన చిన్నతరహా ఈ-కామర్స్ వీడియో ప్లాట్ఫామ్ ఇది. యాప్, అందులో పోస్ట్ అయ్యే వీడియోల ద్వారా స్థానిక ఉత్పత్తులను ఆన్లైన్ ద్వారా వినియోగదారులకు పరిచయం చేస్తుంటుంది. హిందీ, తమిళం, బెంగాలీ భాషల్లో ఈ వీడియోలు అందుబాటులో ఉంటోన్నాయి. రెండు సంవత్సరాల కిందటే ఇది ఏర్పాటైంది. అమిత్ బగారియా, కునాల్ సూరి, సౌరభ్ వశిష్ఠ దీన్ని నెలకొల్పారు. దీన్ని కొనుగోలు చేయడానికి యుట్యూబ్ ఆసక్తి చూపింది. యుట్యూబ్ చేతుల్లోకి వెళ్లిన తరువాత కూడా సిమ్సిమ్కు చెందిన యాప్ ఇండిపెండెంట్గానే పనిచేస్తుంటుందని యుట్యూబ్ యాజమాన్యం గూగుల్ తెలిపింది.
సిమ్సిమ్ అందజేసే ఆఫర్లు.. దానికి సంబంధించిన ప్రొడక్ట్స్ అన్నీ యుట్యూబ్లో టెలికాస్ట్ అవుతాయని పేర్కొంది. దీనివల్ల సిమ్సిమ్ యూజర్లకు మరింత చేరువ అవుతుందని స్పష్టం చేసింది. ప్రొడక్ట్ జనంలోకి చొచ్చుకెళ్లడంలో వీడియోల పాత్ర కీలకంగా ఉంటోందని, అందుకే- యుట్యూబ్ను తాము సంప్రదించామని అమిత్ బగారియా, కునాల్ సూరి, సౌరభ్ వశిష్ఠ తెలిపారు. చర్చలు సఫలం కావడం సంతోషాన్ని ఇస్తోందని పేర్కొన్నారు. యుట్యూబ్తో కలిసి పనిచేయాల్సి రావడం ఎగ్జయిటింగ్గా ఉందని వ్యాఖ్యానించారు. సాంకేతికంగా సిమ్సిమ్ ప్రొడక్ట్స్ యూజర్లకు మరింత చేరువ కావడానికి యూట్యూబ్ సహకరిస్తుందని స్పష్టం చేశారు.
రోజూ లక్షలాది మంది యూజర్లు యూట్యూబ్ ద్వారా తాము కొనుగోలు చేయదలిచిన ప్రొడక్ట్స్కు సంబంధించిన వీడియోలను తిలకిస్తుంటారని, అలాంటి వారికి సిమ్సిమ్ వీడియోలను అందజేస్తామని గూగుల్ తెలిపింది. భవిష్యత్తులో తొలిదశలో 10 బిలియన్ డాలర్లను సిమ్సిమ్లో పెట్టుబడిగా పెట్టనుంది యూట్యూబ్. దశలవారీగా తమ వాటాను పెంచుకుంటూ పోయే అవకాశాలు ఉన్నాయి. ఇప్పటికే కొన్ని షార్ట్ వీడియో ప్లాట్ఫామ్లను కొనుగోలు చేసిన యూట్యూబ్ జాబితాలో తాజాగా సిమ్సిమ్ కూడా చేరింది. ఈ-కామర్స్ వీడియో ప్లాట్ఫామ్ స్టార్టప్లకు ఇది మరింత ఊతమిచ్చినట్టవుతుందని మార్కెట్ వర్గాలు చెబుతున్నాయి.
More From GoodReturns
బంగారం ధరలు పతనం కాబోతున్నాయి.. వెనిజులా బంగారంపై కన్నేసిన అమెరికా.. ట్రేడ్ డీల్ క్లోజ్..
ఒక్కసారిగా పెరిగిన బంగారం ధర .. రేట్లు చూసి పసిడి ప్రియులు లబోదిబో.. మార్చి 7, శనివారం ధరలు ఇవే..
SSY PPF: మార్చి 31 లోపు ఈ పనులు పూర్తి చేయండి.. లేదంటే మీ పొదుపు ఖాతాలు నిలిచిపోతాయి!
Hyderabad: హైదరాబాద్లో సంచలనం సృష్టిస్తున్న రాపిడో.. రోజుకు లక్షల రైడ్లు ఎలా సాధ్యం?
Bengaluru: ఒకే వీధి.. రెండు ప్రపంచాలు.. బెంగళూరులోని ఆ వీధికి విదేశీయుడు ఫిదా!
వెనిజులా నుండి అమెరికాకు 100 మిలియన్ డాలర్ల బంగారం.. బులియన్ మార్కెట్లో నెలకొన్న హైప్..
పసిడి ప్రియులకు గుడ్ న్యూస్.. భారీగా తగ్గనున్న బంగారం, వెండి ధరలు.. కారణం ఏంటంటే..
బంగారం ధరలు ఈ రోజు కూడా తగ్గాయి.. 10 గ్రాములు ధర ఎంత తగ్గిందంటే.. మార్చి 3, మంగళవారం ధరలు ఇవే..
బంగారంతో పోలాండ్ సరికొత్త ప్లాన్..ప్రపంచ దేశాలు షాక్.. యుద్ద సామాగ్రిపై కీలక ప్రకటన..
Stock market: స్టాక్ మార్కెట్ ఇన్వెస్టర్లకు అలర్ట్.. సోమవారం భారీ పతనం తప్పదా?
ఒక్కసారిగా తగ్గిన బంగారం ధర .. తగ్గిన రేట్లతో పసిడి ప్రియుల్లో జోష్.. మార్చి 9, సోమవారం ధరలు ఇవే..
Sign in with Google