Success Story: అనుభవం లేకున్నా వ్యాపారంలో సక్సెస్.. రూ.1700 కోట్ల విలువైన కంపెనీ వివరాలు..

2007లో విదేశాల నుంచి తిరిగి వచ్చి..

అతనికి మద్యం వ్యాపారం చేసే ఆలోచన లేదు. చికాగో యూనివర్శిటీలో గ్రాడ్యుయేషన్ పూర్తి చేసిన తర్వాతే తాను వ్యాపారం చేస్తానని అంకుర్ నిర్ణయించుకున్నాడు, ఆపై అతను 2007లో భారతదేశానికి తిరిగి వచ్చాడు. దేశానికి వచ్చిన తర్వాత.. బీర్లలో ఆప్షన్లు ఎక్కువగా లేవని అతను చూశాడు. అప్పుడే అతని మదిలో ఈ వ్యాపారం ప్రారంభించాలనే ఆలోచన వచ్చింది.

నిర్ణయాన్ని వ్యతిరేకించిన కుటుంబం..

అతను వెంటనే మనదేశంలో వ్యాపారాన్ని ప్రారంభించాడు. కొత్త బీర్ బ్రాండ్ ప్రవేశ పెట్టాడు. వారి బీర్ బ్రాండ్ పేరు Bira91 అని నిర్ణయించాడు. మద్యం వ్యాపారంతో అంకుర్ కుటుంబం ఏమాత్రం సంతోషంగా లేదు. కానీ అతని బ్రాండ్ Bira91 విజయం తర్వాత.. అతని కుటుంబంలో అసంతృప్తి పోయింది.

కంపెనీ నికర విలువ రూ.1,722 కోట్లు..

Bira91 బ్రాండ్ యువతలో అత్యంత ఆదరణ పొందింది. బీరా 91కి ముందు కింగ్‌ఫిషర్ దేశంలో ప్రసిద్ధి చెందింది. అందుకే అంకుర్ తన బ్రాండ్‌ని తీసుకురావడానికి ముందు డిజైన్, టేస్ట్, బెటర్ ప్రైస్ ఇలా చాలా విషయాలపై వర్క్ చేశాడు. ఈ పరిశోధన కారణంగా ప్రస్తుతం బీరా 91 పేరు అందరి నోట నానుతోంది. బీరా 91 ఎంపీ, నాగ్‌పూర్‌లో తయారు చేయడం ప్రారంభమైంది. ఇప్పుడు ఇది దేశంలోని 20కి పైగా రాష్ట్రాల్లో అమ్ముడవుతోంది. కంపెనీ నికర విలువ 2015 సంవత్సరంలో రూ.1,722 కోట్లుగా ఉంది.

అనేక రకాల బీర్లు..

బీరా91 కాకుండా కంపెనీ పోర్ట్‌ఫోలియోలో ఇతర బీర్లు కూడా ఉన్నాయి. బీరా వైట్, బీరా లైట్, బీరా స్ట్రాంగ్, ఇండియన్ పేల్ అనే నాలుగు రకాల బీర్లను కూడా ప్రస్తుతం కంపెనీ విక్రయిస్తోంది. వాటిలో ఆల్కహాల్ కంటెంట్ కేవలం 5 నుంచి 6 శాతం మాత్రమే ఉండేలా కంపెనీ తయారు చేస్ింది. అలాగే రెండు బీర్లు బూమ్ క్లాసిక్, బూమ్ స్ట్రాంగ్, వీటిలో 6 నుంచి 8 శాతం ఆల్కహాల్ ఉంటుంది. ఇందులో బీరా స్ట్రాంగ్, బూమ్ స్ట్రాంగ్‌లకు భారీగా డిమాండ్ ఉందని కంపెనీ వెల్లడించింది .