కొత్తవారికి ఈ హోమ్లోన్పై వడ్డీ రేటు పెంపు, ఎంత తీసుకుంటే ఎంత?
ప్రభుత్వరంగ స్టేట్ బ్యాంక్ ఆఫ్ ఇండియా ఎంసీఎల్ఆర్ ఆధారిత హోమ్ లోన్ వడ్డీ రేట్లు తగ్గిస్తూ, అదే సమయంలో రెపో రేటు ఆధారిత హోమ్ లోన్ వడ్డీ రేట్లు 30 బేసిస్ పాయింట్స్ వరకు పెంచిన విషయం తెలిసిందే. 100 బేసిస్ పాయింట్స్ 1 శాతంతో సమానం. ఎస్బీఐ పెంచిన వడ్డీ రేటు కొత్తగా హోమ్ లోన్ తీసుకునే వారికి వర్తిస్తుంది. రెండు రోజుల క్రితం ఎంసీఎల్ఆర్ ఆధారిత హోమ్ లోన్స్ రేటును 15 బేసిస్ పాయింట్లు తగ్గించింది. గత నెలలో రెపో రేటుపై 75 బేసిస్ పాయింట్స్ తగ్గించింది. తాజాగా 20 బేసిస్ పాయింట్లు పెంచింది.
కస్టమర్లకు ఎస్బీఐ శుభవార్త, వడ్డీ రేట్లు తగ్గింపు: మీ హోమ్లోన్ EMI తగ్గొచ్చు
ఎన్ని బేసిస్ పాయింట్స్ పెరిగిందంటే
ఇవి మే 1వ తేదీ నుండే అమలులోకి వచ్చాయి. అంతకుముందు ఈ ఎక్స్టర్నల్ బెంచ్ మార్క్ రేట్ కంటే 15 నుండి 50 బేసిస్ పాయింట్స్ అదనంగా ఉంటే, మే 1వ తేదీ నుండి 35 నుండి 70 బేసిస్ పాయింట్స్ అదనంగా ఉంటుంది. ఉదాహరణకు మే 1వ తేదీ తర్వాత ఎస్బీఐలో రూ.30 లక్షల హోమ్ లోన్ తీసుకుంటే కనీసం 7.40 శాతం వడ్డీ రేటు ఉంటుంది. గతంలో ఇది 7.20 శాతంగా ఉంది. మహిళలకు గతంలో 7.15 శాతం ఉండగా, ఇప్పుడు 7.35 శాతం ఉంటుంది.
బెంచ్ మార్క్ రేటులో మార్పు లేదు
అయితే రెపో లింక్డ్ ఎక్స్టర్నల్ బెంచ్ మార్క్ రేటు 7.05 శాతంలో ఎలాంటి మార్పు లేదు. ఇటీవల రెపో రేటు భారీగా తగ్గడంతో ఆదాయంపై దృష్టి పెట్టి బ్యాంకు వడ్డీ రేటు పెంచినట్లు భావిస్తున్నారు. ఈ నిర్ణయం వల్ల ఇప్పటికే హోమ్ లోన్ తీసుకున్న వారికి నష్టం లేదు. కొత్తగా తీసుకునే వారికి 20 బేసిస్ పాయింట్స్ నుండి 30 బేసిస్ పాయింట్స్ అదనంగా చెల్లించాలి.
ఎంతమొత్తానికి ఎంత పెంచారంటే?
రూ.30 లక్,ల హోమ్ లోన్ తీసుకుంటే 20 బేసిస్ పాయింట్స్ పెరిగి 7.20 శాతం నుండి 7.40 శాతం అవుతుంది. రూ.30 లక్షల నుండి రూ.75 లక్షల వరకు 7.45 శాతం నుండి 7.65 శాతానికి పెంచారు. రూ.75 లక్షలకు పైన హోమ్ లోన్ తీసుకుంటే 7.55 శాతం నుండి 7.75 శాతానికి పెంచారు.
ప్రాపర్టీ లోన్ పైన 30 బేసిస్ పాయింట్స్ పెంపు
అలాగే ప్రాపర్టీ పైన తీసుకునే లోన్ పైన 30 బేసిస్ పాయింట్స్ పెంచింది ఎస్బీఐ. రూ.1 కోటి వరకు లోన్ తీసుకుంటే ఇదివరకు 8.90 శాతం ఉండగా ఇప్పుడు 9.20 శాతానికి పెంచింది. రూ.1 కోటి నుండి రూ.2 కోట్లు లోన్ తీసుకుంటే 9.40 శాతం నుండి 9.70 శాతానికి పెంచింది.