డెట్ స్కీంలకు భలే డిమాండ్.. మ్యూచువల్ ఫండ్స్ ఆస్తుల్లో నయా రికార్డ్

ఓపెన్ ఎండెడ్ పథకాల్లోకి కూడా

* నవంబర్ నెలలో ఓపెన్ ఎండెడ్ ఈక్విటీ పథకాల్లోకి 1,312 కోట్లు వచ్చాయి. క్లోజ్ ఎండెడ్ ఈక్విటీ ప్లాన్ల లో నుంచి 379 కోట్లు బయటకు వెళ్లాయి. దీంతో నికర పెట్టుబడులు 933 కోట్లుగా ఉన్నాయి. అక్టోబర్ లో ఈ పథకాల్లోకి నికరంగా వచ్చిన పెట్టుబడులు 6,015 కోట్లుగా ఉన్నాయి.

* ఇన్వెస్టర్లు లాభాల స్వీకరణకు దిగడంతో ఈక్విటీ ఫండ్స్ లోకి పెట్టుబడులు తగ్గాయి. దీంతో మ్యూచువల్ ఫండ్ పరిశ్రమ నిర్వహణలోని ఆస్తులు జీవిత కాల గరిష్ట స్థాయిలో 27 లక్షల కోట్లకు చేరుకున్నాయి.

సిప్ పెట్టుబడులు

* దీర్ఘకాలిక క్రమానుగత పెట్టుబడి ప్లాన్ (సిప్) పెట్టుబడులు నిలకడగా పెరుగుతున్నాయి. తాజాగా సిప్ నిర్వహణలో ఆస్తులు జీవిత కాల గరిష్ట స్థాయిలో 3.12 లక్షల కోట్లకు చేరుకున్నాయి.

* గోల్డ్ ఎక్స్చేంజి ట్రేడెడ్ ఫండ్స్ లోకి 7 కోట్ల రూపాయలు వచ్చాయి. అక్టోబర్ లో పెట్టుబడులు 31.45 కోట్లు తరలి పోయాయి. సెప్టెంబర్లో 44 కోట్ల రూపాయలు, ఆగస్టులో 145 కోట్ల పెట్టుబడులు ఈ ఫండ్స్ లోకి వచ్చాయి.

ఇన్వెస్టర్లకు మరో ప్రత్యామ్నాయం

* తమ పెట్టుబడులపై మంచి రాబడులను ఆశించే ఇన్వెస్టర్ల కోసం కొత్తగా భారత్ బాండ్ ఈటీఎఫ్ అందుబాటులోకి వచ్చింది. ఇందులో ఇన్వెస్టర్లు ఈ నెల 20 వరకు సబ్ స్క్రైబ్ చేసే అవకాశం ఉంది. మూడేళ్లు, పదేళ్ల కాలానికి పెట్టుబడులు పెట్టే అవకాశం ఉంది.