ఆఫీస్‌కు రావొద్దు: కొత్త ఉద్యోగాలకు ఇంటర్వ్యూలు ఇలా నిర్వహిస్తోన్న గూగుల్

ఉద్యోగులకు వర్క్ ఫ్రమ్ హోమ్

కరోనా వైరస్ వేగంగా విస్తరిస్తున్న నేపథ్యంలో సెర్చింజన్ గూగుల్ అప్రమత్తమైంది. సిలికాన్‌వ్యాలి, శాన్‌ప్రాన్సిస్కో, న్యూయార్క్‌లలోని తమ ఆఫీస్‌లకు వచ్చే సందర్శకులను కట్టడి చేస్తోంది. తమ ఉద్యోగులకు ఇంటి నుండి పని చేసుకునే వెసులుబాటు కల్పించింది.

సాఫ్టువేర్ అభివృద్ధి సమావేశాలు రద్దు

ఉద్యోగులకు వర్క్ ఫ్రమ్ హోమ్ ఇవ్వడమే కాదు. కొత్త ఉద్యోగులను చేర్చుకుంటుంది. అయితే కరోనా వైరస్ కారణంగా వారికి నేరుగా ఇంటర్వ్యూలు నిర్వహించడం లేదు. ఆఫీస్‌లకు ఉద్యోగార్థులను నిలిపివేసింది. అంతేకాదు, తమ సాఫ్టువేర్ అభివృద్ధి సమావేశాలను కూడా రద్దు చేసుకుంటోంది. కార్యాలయాలకు వచ్చే వారిని కట్టడి చేసింది.

హ్యాంగవుట్ ఇంటర్వ్యూలు

కొత్త ఉద్యోగులను చేర్చుకునేందుకు గూగుల్ ఇంటర్వ్యూలు చేస్తోంది. కానీ నేరుగా చేయడం లేదు. గూగుల్ హ్యాంగవుట్ ద్వారా ఇంటర్వ్యూలు నిర్వహిస్తోంది. యాపిల్, ఫేస్‌బుక్, మైక్రోసాఫ్ట్ సంస్థలు కూడా తమ ఉద్యోగులకు వర్క్ ఫ్రమ్ హోమ్ సౌకర్యాన్ని కల్పించాయి. ఈ వారం నుంచి ఉద్యోగులంతా ఇంటి నుంచే పని చేయాలని ఆపిల్ తెలిపింది. ట్విట్టర్ సోమవారం నుంచే ఉద్యోగులకు వర్క్ ఫ్రమ్ హోమ్ అందుబాటులోకి తెచ్చింది.

లింక్డిన్ వర్చువల్ ఇంటర్వ్యూలు

గూగుల్ సంస్థ మార్చి 4 నుండే వర్చువల్ ఇంటర్వ్యూలు ప్రారంభించింది. లింక్డిన్ కూడా ఇదే పద్ధతిని ఫాలో అవుతోంది. వివిధ కంపెనీలు అత్యవసరం కాకుంటే ఇంటర్వ్యూలు పోస్ట్ పోన్ చేయడం లేదా అవసరమైతే హ్యాంగవుట్, వర్చువల్ ద్వారా నిర్వహిస్తున్నాయి.