స్పైగ్ పని చేస్తోన్న టొటోక్ యాప్, తొలగించిన గూగుల్, ఆపిల్
గూగుల్, ఆపిల్ తమ స్టోర్ నుంచి ఓ యాప్ను తొలగించాయి. యునైటెడ్ అరబ్ ఎమిరేట్స్కు చెందిన ToTok యాప్ను తొలగించాయి. ఈ యాప్ యూఏఈకి స్పైగా పని చేస్తోందనే అనుమానంతో ఈ నిర్ణయం తీసుకున్నాయి. ఈ యాప్ డౌన్ లోడ్ చేసుకుంటే వారి కదలికలు, ఇతర సమాచారాన్ని యూఏఈ ప్రభుత్వానికి పంపిస్తోందని వార్తలు వచ్చాయి. దీంతో ఈ యాప్ను తొలగించాయి.
Big C పండుగ ఆఫర్లు, గిఫ్ట్లు ఇవే
తమ యాప్ను టెక్నికల్ సమస్యల కారణంగా ప్రస్తుతం ఆపిల్ స్టోర్, గూగుల్ స్టోర్ నుంచి తొలగించారని ToTok పేర్కొంది. గూగుల్ గత గురువారం ఈ యాప్ను తొలగించింది. ఈ యాప్ తమ విధానాలకు భిన్నంగా ఉందని పేర్కొంది. మరోవైపు దీనిపై దర్యాఫ్తు చేస్తున్నట్లు ఆపిల్ తెలిపింది. ఈ యాప్ ఓనర్కు అబుదాబీలోని ఓ హ్యాకింగ్ కంపెనీతో సన్నిహిత సంబంధాలు ఉన్నాయట. దీనిపై ఎఫ్బీఐ కూడా దర్యాఫ్తు చేస్తోంది.
ఈ యాప్ చాలా నెలలుగా ఉపయోగిస్తున్నారు. మిడిల్ ఈస్ట్, యూరోప్, ఆసియా, ఆప్రికా, నార్త్ అమెరికా ప్రాంతాల్లో పెద్ద ఎత్తున యూజర్లు డౌన్ లోడ్ చేసుకున్నారు. గూగుల్ ఈ యాప్ను తొలగించడానికి ముందే 5 మిలియన్ ఆండ్రాయిడ్ యూజర్లు డౌన్ లోడ్ చేసుకున్నారు. ఇక, యాప్ ట్రాకర్ ఆప్-యాన్నీ ప్రకారం గత వారం అమెరికాలో ఎక్కువగా డౌన్ లోడ్ అయిన యాప్ ToTok కావడం గమనార్హం.