2 రోజుల్లో రూ.1,400 జంప్, భారీగా పెరిగిన బంగారం: రూ.3వేలు పెరిగిన వెండి

రూ.400 వరకు కూడా జంప్ చేసి...

మల్టీ కమోడిటీ ఎక్స్చేంజ్ (MCX) సాయంత్రం గం.9.45 సమయానికి 10 గ్రాముల డిసెంబర్ గోల్డ్ ఫ్యూచర్స్ రూ.110.00 (0.21%) పెరిగి రూ.52,165.00 పలికింది. రూ.51,912 వద్ద ప్రారంభమైన ధర, రూ.51,711 వద్ద కనిష్టాన్ని తాకింది. ఓ సమయంలో రూ.52,450ని తాకింది. అంటే నేడు రూ.400కు పైగా కూడా పెరుగుదల చూసింది.

ఫిబ్రవరి ఫ్యూచర్స్ రూ.95.00 (0.18%) పెరిగి రూ.52,289.00 వద్ద పలికింది. రూ.52,066.00 ప్రారంభం కాగా, రూ.51,895.00 వద్ద కనిష్టాన్ని, రూ.52,615.00 వద్ద గరిష్టాన్ని తాకింది.

రూ.2వేలకు పైగా పెరిగి...

వెండి ధర ఈ రోజు రూ.1000 వరకు పెరిగింది. డిసెంబర్ సిల్వర్ ఫ్యూచర్స్ కిలో రూ.916.00 (1.43%) పెరిగి రూ.65169.00 ట్రేడ్ అయింది. రూ.64,479.00 వద్ద ప్రారంభమై, రూ.66,244.00 గరిష్టాన్ని తాకి, రూ.64,024.00 కనిష్టాన్ని తాకింది. నేడు ఓ సమయంలో రూ.2,000కు పైగా కూడా పెరిగింది. సాయంత్రానికి రూ.900కు పైగా పెరుగుదలతో ఉంది. నిన్న రూ.2వేలకు పైగా పెరిగింది. ఈ రెండు రోజుల్లో రూ.3వేల వరకు పెరిగింది.

మార్చి ఫ్యూచర్స్ కిలో రూ.852.00 (1.29%) పెరిగి రూ.66807.00 పలికింది. రూ.66,135.00 ప్రారంభమై, రూ.67,978.00 గరిష్టాన్ని, రూ.65,839.00 కనిష్టాన్ని తాకింది.

అంతర్జాతీయ మార్కెట్లోను...

అంతర్జాతీయ మార్కెట్లోను పసిడి ధరలు పెరిగాయి. ఔన్స్ గోల్డ్ ఫ్యూచర్స్ 0.30 శాతం పెరిగి 1,952.70 డాలర్లను తాకింది. 1,937.25 - 1,961.75 డాలర్ల మధ్య ట్రేడ్ అయింది. క్రితం సెషన్‌లో 1,946.80 వద్ద క్లోజ్ అయింది. ఈ ఏడాది 27.33 శాతం పెరిగింది.

సిల్వర్ ఫ్యూచర్స్ 1.50 శాతం పెరిగి ఔన్స్ 25.578 డాలర్లు పలికింది. 25.015 - 25.970 డాలర్ల మధ్య ట్రేడ్ అయింది. క్రితం సెషన్‌లో 25.191 డాలర్ల వద్ద ముగిసింది. నేడు 26 డాలర్ల సమీపానికి చేరుకుంది. ఈ ఏడాది వెండి 39.94% మేర పెరిగింది.