Budget 2021: బడ్జెట్ రోజున గత 10 ఏళ్లలో సెన్సెక్స్, 2020లో భారీ పతనం

గత 10 బడ్జెట్‌ల కాలంలో ఇలా

గత పది సంవత్సరాల్లో బడ్జెట్ సమయంలో మార్కెట్లు ఆరుసార్లు భారీ నష్టాల్లో ముగిశాయి. ఇందులో రెండుసార్లు (2012, 2013) 1 శాతం కంటే తక్కువ నష్టపోయాయి. 2020 బడ్జెట్ సమయంలో సెన్సెక్స్ 2.4 కుప్పకూలింది. 2009లో ప్రపంచ ఆర్థిక సంక్షోభం తర్వాత సూచీలు అత్యంత దారుణంగా కుప్పకూలింది గత ఏడాది మాత్రమే. గత పదేళ్లలో వరస్ట్ ప్రదర్శన 2020లో నమోదయింది.

వరుసగా నష్టాల్లో..

2012-13 బడ్జెట్ రోజు సూచీలు 1.19 శాతం నష్టపోయాయి. సర్వీస్ ట్యాక్స్, ఎక్సైజ్ డ్యూటీ వరుసగా 10 శాతం నుండి 12 శాతం పెంచిన అనంతరం మార్కెట్లు నష్టపోయాయి. ఇది చమురు మార్కెట్ పైన ప్రభావం చూపింది.

2013లో సెన్సెక్స్ 1.5 శాతం లేదా 291 పాయింట్లు నష్టపోయింది. నాడు 19000 పాయింట్ల దిగువన సెన్సెక్స్ ముగిసింది.

2014లో సెన్సెక్స్ 028 శాతం నష్టపోయింది. వరుసగా మూడో సంవత్సరం బడ్జెట్ రోజు మార్కెట్లు నష్టాల్లో ముగిశాయి.

2015లో బడ్జెట్ రోజు సూచీలు లాభాల్లో ముగిశాయి. అఫ్పుడు జైట్లీ బడ్జెట్‌ను ప్రవేశ పెట్టారు. కార్పోరేట్ ట్యాక్స్‌ను తగ్గించడం ప్రభావం చూపింది.

చివరి బడ్జెట్ భారీ నష్టాల్లో

2016లో బడ్జెట్ రోజున సెన్సెక్స్ 0.66 శాతం నష్టపోయింది. 2017లో సెన్సెక్స్ 486 పాయింట్లు ఎగిసి 28,000 మార్కు దాటింది. ఆ సెషన్‌లో ఓ సమయంలో సెన్సెక్స్ 1.76 శాతం కూడా లాభపడింది. 2010 నుండి ఓ బడ్జెట్ రోజున ఈ మేరకు ఎగిసిపడటం ఇదే మొదటిసారి.

2018లో సూచీలు 0.16 శాతం నష్టపోయాయి. గత పదేళ్లలో ఇది 8వసారి. 2019లో బడ్జెట్ రోజున సెన్సెక్స్ 0.59 శాతం లాభపడింది.

2020 బడ్జెట్ సమయంలో సెన్సెక్స్ 2.4 కుప్పకూలింది.