Just In
Don't Miss
-
25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే -
వరుస పరాజయాల వేళ.. ఆర్సీబీ, కోహ్లీ ఫ్యాన్స్కు గుడ్ న్యూస్ -
AP Elections: నా కాళ్లు పట్టుకున్నావా లేదా ? పెద్దిరెడ్డికి కిరణ్ ఘాటు కౌంటర్.. ! -
గూగుల్ మ్యాప్స్ కొత్త ఫీచర్ గురించి తెలుసా.. రోడ్ ట్రిప్ సహా ప్రయాణాల్లో ఆందోళన ఉండదిక...! -
సుడిగాలి సుధీర్ అమ్మాయిల పిచ్చోడా? జబర్దస్త్ కమెడియన్ ఘాటుగా రియాక్షన్! -
గుడ్నైట్ సందేశాలను ఇలా సరదాగా పంపుకోండి.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
మొదటిసారి 60,000 డాలర్లు దాటిన బిట్ కాయిన్ వ్యాల్యూ
క్రిప్టోకరెన్సీ బిట్ కాయిన్ దూకుడు కొనసాగుతోంది. బిట్ కాయిన్ ట్రేడింగ్‌లో రికార్డులు సృష్టిస్తోంది. శ‌నివారం ఇంట్రాడే ట్రేడింగ్‌లో 60,000 డాలర్లు క్రాస్ చేసింది. డిజిట‌ల్ క‌రెన్సీ మార్కెట్లో కింగ్‌గా ఉన్న బిట్ కాయిన్ ఆల్ టైమ్ రికార్డ్ ఇదే. మూడు వారాల క్రితం 58వేల డాలర్లను దాటి, చరిత్ర సృష్టించింది. ఆ తర్వాత 45వేల డాలర్ల దిగువకు పతనమైంది. ఇప్పుడు మళ్లీ పుంజుకుంది. గత నెల 21వ తేదీన 58,354 డాలర్ల వద్ద జీవనకాల గరిష్టాన్ని తాకి, ఇప్పుడు దానిని క్రాస్ చేసింది. గత నెల నుంచి బిట్ కాయిన్ వ్యాల్యూ రెండు శాతానికి పైగా వృద్ధి నమోదు చేసింది.
వెయ్యి శాతం జంప్
డాల‌ర్ బ‌ల‌హీనప‌డటంతోపాటు ద్ర‌వ్యోల్బ‌ణం పెరిగిన‌ప్పుడు ప్ర‌త్యామ్నాయ పెట్టుబ‌డి మార్గంగా ఉన్న బంగారానికి ఈ క్రిప్టోకరెన్సీ ప్రత్యామ్నాయంగా మారిందని మార్కెట్ నిపుణులు చెబుతున్నారు. ప్రధానంగా బిట్ కాయిన్‌ను మరో బంగారంగా భావిస్తున్నారు. ఈ ప్రభావం బంగారంపై కూడా ప్రభావం చూపింది. క్లిష్ట పరిస్థితుల్లో రిక‌వ‌రీ సాధించే స‌త్తా బిట్ కాయిన్‌కు ఉందని చెబుతున్నారు. గత ఏడాది కాలంలో బిట్ కాయిన్ వ్యాల్యూ దాదాపు వెయ్యి శాతం వరకు పెరిగింది.
అందుకే బిట్ కాయిన్ జంప్
క్రిప్టో క్రెడిట్ కార్డ్ జెయింట్ మాస్ట‌ర్ కార్డుతో పాటు వీసా, ఆన్‌లైన్ పేమెంట్స్ సంస్థ పేపాల్‌, బ్లాక్‌రాక్ ఇంక్ అసెట్ మేనేజ‌ర్ BNY మెల్లొన్, మైక్రోస్ట్రాట‌ర్జీ ఇంక్, ఎల‌క్ట్రిక్ కార్ల త‌యారీ కంపెనీ టెస్లా సీఈవో ఎలాన్ మ‌స్క్ త‌దిత‌ర కార్పొరేట్లు అండగా నిల‌బ‌డ‌టంతో బిట్ కాయిన్ వ్యాల్యూ రోజురోజుకు పెరిగిపోతోంది. క‌రోనా కారణంగా కుదేలైన ఆర్థికవ్య‌వ‌స్థ‌కు పునరుత్తేజం ఇచ్చేందుకు జోబిడెన్ ప్ర‌క‌టించిన 1.9 ల‌క్ష‌ల కోట్ల డాలర్ల ప్యాకేజీ బిట్ కాయిన్ వ్యాల్యూ పెరగడానికి కారణంగా చెబుతున్నారు.
బిట్ కాయిన్ మార్కెట్ క్యాప్
బిట్ కాయిన్ మార్కెట్ క్యాపిటలైజేషన్ ఇటీవలే తిరిగి 1 ట్రిలియన్ డాలర్లకు చేరుకుంది. గత ఫిబ్రవరి తర్వాత ఈ నెలలో మొదటిసారి బిట్‌కాయిన్ 1 ట్రిలియన్ డాలర్ల మార్కెట్ క్యాప్‌ను దాటింది.
ఫిబ్రవరి నెలలో అమెరికాలో కన్స్యూమర్ ధరలు అంచనాల కంటే తక్కువ పెరిగాయి. బిట్ కాయిన్ ప్రపంచవ్యాప్తంగా క్రిప్టో కరెన్సీలో మొదటి స్థానంలో ఉంది. ఆ తర్వాత ఎథెర్ రెండో స్థానంలో ఉంది. ఎథెర్ క్రిప్టో ఇటీవల 3 శాతం మేర పెరిగింది. బిట్ కాయిన్ (BTC), ఎథెరియమ్ (ETH)తో పాటు ఇతర క్రిప్టో కరెన్సీలు కార్డానో (ADA), పోల్కాడాట్ (DOT), XRP (XRP), యూనిస్వాప్ (UNI) కూడా సానుకూలంగా ఉన్నాయి.
