వ్యాక్సీన్ అభివృద్ధిల తొందరపాటు సరికాదు, బయోకాన్ ఎండీ
భారత్తో పాటు ఇతర దేశాల్లో కరోనా వ్యాక్సీన్ ఆస్ట్రాజెనెకా ప్రయోగాలను తాత్కాలికంగా నిలిపివేశారు. ఇప్పటికే వ్యాక్సీన్ను హడావుడిగా తీసుకు వస్తున్నారనే వాదనలు ఉన్నాయి. ప్రధానంగా రష్యా వ్యాక్సీన్ ఈ అపవాదును ఎదుర్కొంటోంది. ఇప్పుడు అస్ట్రాజెనెకా వ్యాక్సీన్ ట్రయల్స్ నిలిపివేతపై బయోకాన్ ఎండీ, చైర్ పర్సన్ కిరణ్ మజుందర్ షా కీలక వ్యాఖ్యలు చేశారు.
గంటకు రూ.1,100కి పైన: మంచి శాలరీతో అమెజాన్లో 33,000 ఉద్యోగాలు
వ్యాక్సిన్ తయారీలో తొందరపాటు పనికి రాదన్నారు. త్వరితగతిన అభివృద్ధి చేయడం సాధ్యం కాదని, ఇదే విషయాన్ని అస్ట్రాజెనెకా వ్యాక్సీన్ వ్యాక్సీన్ ప్రయోగాల తాత్కాలిక నిలుపు ద్వారా వెల్లడైందన్నారు. సురక్షితమైన వ్యాక్సిన్ వచ్చే ఏడాది మార్చి లేదా ఏప్రిల్ నాటికి మాత్రమే వచ్చే అవకాశముందని, ఆ సమయానికి ఆమోదం లభించవచ్చునని వ్యాఖ్యానించారు.
టీకా ప్రయోగాల్ని జాగ్రత్తగా నిర్వహించాల్సిన అవసరముందని వైద్య, శాస్త్రీయ ప్రపంచంలో అందరు కూడా చెబుతున్న అంశం ఇదేనన్నారు. పరీక్షల సందర్భంగా అన్ని అంశాలను, ప్రతికూలతలను పరిశోధించాల్సి ఉంటుందని చెప్పారు. కాగా, ఆస్ట్రాజెనెకా వ్యాక్సిన్ క్లినికల్ ట్రయల్స్ని తాత్కాలికంగా నిలిపివేస్తున్నట్టు ప్రకటించారు. మన దేశంలోను పరీక్షలకు అనుమతి పొందిన సీరమ్ సంస్థకు DCGI నిలిపివేయాలని ఆ తర్వాత ఆదేశాలు జారీ చేసింది.