ఈ-సిగరేట్లపై నిషేధం: కేంద్రం కీలక ప్రకటన, జరిమానా ఏమంటే: VST, ITC షేర్ల దూకుడు

ఈ-సిగరేట్లపై ప్రధాని నరేంద్ర మోడీ కీలక నిర్ణయం తీసుకున్నందుకు థ్యాంక్స్ చెబుతున్నానని హర్ష్ వర్ధన్ పేర్కొన్నారు. ఈ నిర్ణయం వెంటనే అమలులోకి వస్తుందన్నారు.

ఈ-సిగరేట్ బ్యాన్ నేపథ్యంలో వీటి స్టోరేజ్ నిబంధన ఉల్లంఘనలకు పాల్పడితే 6 నెలల జైలు శిక్ష లేదా రూ.50,000 వరకు జరిమానా లేదా రెండూ కూడా.

ఈ-సిగరేట్ బ్యాన్ గురించి కేంద్రమంత్రి హర్షవర్ధన్ ట్వీట్ చేశారు. నిబంధనలు మొదటిసారి ఉల్లంఘిస్తే ఏడాది వరకు జైలు శిక్ష లేదా రూ.1 లక్ష వరకు జరిమానా లేదా రెండూ విధించవచ్చు. మళ్లీ మళ్లీ ఇలాంటి నిబంధన ఉల్లంఘఇస్తే 3 ఏళ్ల జైలు శిక్ష మరియు రూ.5 లక్షల జరిమానా.

మధ్యాహ్నం మూడున్నర గంటల సమయానికి ఐటీసీ షేర్లు 0.57 శాతం, గాడ్‌ఫ్రో ఫిలిప్స్ షేర్లు 0.57 శాతం, వీఎస్టీ ఇండస్ట్రీస్ షేర్లు 0.10 శాతం పెరిగాయి.

ఈ-సిగరేట్లను బ్యాన్ చేస్తున్నట్లు కేంద్రమంత్రి ప్రకటన... ఐటీసీ, గాడ్‌ఫ్రే ఫిలిప్స్, వీఎస్టీ ఇండస్ట్రీ షేర్ల పైన పడింది.

మోడీ ప్రభుత్వం తొలి 100 రోజుల అజెండాలో ఈ-సిగరేట్ నిషేధం ఉంది.

ఈ ఆర్డినెన్స్ తయారు చేసిన బృందానికి కేంద్ర ఆర్థికమంత్రి నిర్మలా సీతారామన్ అధ్యక్షత వహించారు.

ఈ నిషేధాన్ని ఉల్లంఘిస్తే వారిపై భారీగా జరిమానా విధించే అవకాశం.

పిల్లలు, యువతలో ఇదొక వ్యసనంగా మారకుండా జాగ్రత్తలు తీసుకునేందుకు ఈ నిర్ణయం తీసుకున్నారు.

ఈ ప్రతిపాదనను కేంద్ర ఆరోగ్య మంత్రిత్వ శాఖ ప్రతిపాదించగా, కేంద్రం ఆమోదం తెలిపింది.

- అమెరికా అనుభవాలను దృష్టిలో పెట్టుకొని ఈ నిర్ణయం తీసుకున్నట్లు తెలిపారు. పొగాకు వినియోగం తగ్గించాలనేది ప్రభుత్వం ఆశయమన్నారు.

- ఈ-సిగరేట్ల వల్ల యువతపై తీవ్రమైన చెడు ప్రభావం పడుతోందన్నారు. అలా అని సాధారణ సిగరేట్లను ప్రోత్సహించడంలేదని చెప్పారు.

- ఇక నుంచి ఈ-సిగరేట్ తయారీ, దిగుమతి, ఎగుమతి, రవాణా, విక్రయాలు, పంపిణీ, నిల్వ, ప్రచారంపై నిషేధం విధించినట్లు చెప్పారు.

- కేంద్ర ప్రభుత్వం కీలక నిర్ణయం తీసుకుంది. ఈ-సిగరేట్లపై నిషేధం విధిస్తున్నట్లు నిర్మలా సీతారామన్ ప్రకటించారు.