పెద్ద మొత్తంలో రుణం

* గృహ రుణం కోసం ఒకరు దరఖాస్తు చేసుకున్న దానికి ఇద్దరు కలిసి దరఖాస్తు చేసుకున్న దానికి మధ్య తేడా ఉంటుంది.

* వ్యక్తిగతంగా రూ.20 లక్షల రుణం ఇవ్వడానికి బ్యాంకులు ముందుకు వస్తే ఉమ్మడిగా మరో రూ. 20-25 లక్షల రుణం ఇవ్వడానికి బ్యాంకులు అంగీకరించవచ్చు.

* ఇద్దరు ఉద్యోగం చేస్తుంటే మరింత ఎక్కువ రుణం పొందటానికి అవకాశం ఉంటుంది. కాబట్టి ఇరుకైన ఇల్లు కాకుండా పెద్ద ఇంటిని కొనుగోలు చేయడానికి అవకాశం ఉంటుంది.

* ఇద్దరు సంపాదిస్తూ ఉంటే నెలవారీ ఈఎంఐలను చాలా సులభంగా చెల్లించవచ్చు.

రాయితీలు ఉంటాయ్

* మగవారితో పోల్చితే మహిళలకు బ్యాంకులు రుణాలపై కొంత రాయితీని ఇస్తుంటాయి. ముఖ్యంగా తక్కువ వడ్డీ రేటును అఫర్ చేస్తాయి. కాబట్టి భార్యతో కలిసి రుణం తీసుకోవడం వల్ల తక్కువ వడ్డీ రేటు పడుతుంది.

* మహిళల పేరుమీద ఇంటిని రిజిస్టర్ చేసుకునే సమయంలో చెల్లించే స్టాంప్ డ్యూటీ కూడా తక్కువ ఉంటుంది. దీనివల్ల ప్రయోజనమే కదా.

పన్ను ప్రధానం

* రుణంతో గృహాన్ని కొనుగోలు చేసిన వారికీ కొన్ని పన్ను మినహాయింపులు కూడా లభిస్తుంటాయి.

* ఉమ్మడిగా గృహ రుణం తీసుకున్నప్పుడు ఆదాయ పన్ను చట్టంలోని సెక్షన్ 80 సి కింద ఒక్కొక్కరు రూ. 1.5 లక్షల పన్ను ప్రయోజనాన్ని పొందడానికి అవకాశం ఉంటుంది. ఇద్దరికే కలిపితే ఇది రూ. మూడు లక్షలు అవుతుంది.

సమస్యలు...

* భార్య భర్త కలిసి గృహ రుణం తీసుకోవడం వల్ల ప్రయోజనాలు ఉన్నట్టే కొన్ని సమస్యలు ఉన్నాయి. అవేమిటంటే...

* ఉమ్మడిగా గృహ రుణం తీసుకున్న కొన్నాళ్ల తర్వాత విడాకులు తీసుకున్నా లేదా ఎవరో ఒకరు చనిపోయినా రుణ భారం తడిసిమోపెడవుతుంది. తీసుకున్న రుణంపై నెలవారీ వాయిదాలను చెల్లించని సందర్భంలో అప్పిచ్చిన రుణదాత ఇంటిని తమ స్వాధీనంలోకి తీసుకునే అవకాశం ఉంటుంది.

* గృహ రుణం తీసుకునే సమయంలో భార్య కో అప్లికెంట్ గా ఉంటేఇంటిలో ఆమె కొంత వాటాను మాత్రమే పొందే అవకాశం ఉండవచ్చు. కో ఓనర్ గా ఉంటే ఎక్కువ ప్రయోజనం ఉంటుంది. భర్త చనిపోయిన సందర్భంలో ఈ సమస్య తలెత్తుతుంది.

* రుణం పొందిన తర్వాత ఎవరో ఒకరు ఈఎంఐ చెల్లించనంటూ మొండికేస్తే మరొకరి మీద భారం పడవచ్చు. ఒకవేళ ఈఎంఐ సక్రమంగా చెల్లించకపోతే అది ఇద్దరి క్రెడిట్ స్కోర్ ను దెబ్బ తీస్తుంది. దీని వల్ల భవిష్యత్తులో రుణాలు పొందడం ఇబ్బందికరంగా మారుతుంది.

ఈ అంశాలను దృష్టిలో ఉంచుకొని సరైన నిర్ణయం తీసుకోండి.