ఈపీఎఫ్ఓ అండ...

* ఈపీఎఫ్ఓ 2015 ఆగస్టులో స్టాక్ మార్కెట్లోకి ప్రవేశించిన విషయం తెలిసిందే.

* పెట్టుబడుల కోసం తన వద్ద ఉన్న మొత్తం డిపాజిట్లలో తొలుత 5 శాతం వరకు స్టాక్ మార్కెట్లో పెట్టుబడిగా పెట్టాలని నిర్ణయించారు.

* 2016 సంవత్సరంలో 5 శాతాన్ని 10 శాతానికి పెంచారు. ఆ తర్వాత 2017 సంవత్సరంలో 10 శాతం నుంచి 15 శాతానికి పెంచారు.

* ఇక ఈపీఎఫ్ఓ తన పెట్టుబడులకు సరైన ఈటీఎఫ్ లను ఎంచుకుంటోంది. ఇప్పటి వరకు ఎస్ బీ ఐ మ్యూచువల్ ఫండ్, యూటీఐ మ్యూచువల్ ఫండ్ నిర్వహిస్తున్న ఈటీఎఫ్ స్కీమ్స్ లోకి ఎక్కువగా ఈపీఎఫ్ఓ పెట్టుబడులు వెళ్లాయి. ప్రస్తుతం ఎస్ బీ ఐ నిఫ్టీ ఈటీఎఫ్ ఆస్తులు రూ. 55,000 కోట్ల వరకు ఉన్నాయి.

* తొలుత ఈపీఎఫ్ఓ ఇండెక్స్ ఫండ్స్ కు ప్రాధాన్యం ఇచ్చింది. ఇప్పుడు ఈటీఎఫ్ లకు పెద్ద పీట వేస్తోంది.

రిటైల్ ఇన్వెస్టర్ల వాటా ఇంకా తక్కువే..

* మొత్తం మార్కెట్ ఆస్తుల్లో ఈక్విటీ మ్యూచువల్ ఫండ్స్ వాటా ఇంకా 8 శాతం కన్నా తక్కువగానే ఉంది.

* ప్రస్తుతం ఈటీఎఫ్ ఆస్తుల్లో రిటైల్ ఇన్వెస్టర్ల వాటా 5 శాతం మాత్రమే ఉంది. వీటిపై ఇన్వెస్టర్లకు ఇంకా అవగాహన పెరగాల్సి ఉంటుందని మార్కెట్ వర్గాలు చెబుతున్నాయి. చాలా మ్యూచువల్ ఫండ్స్ ఈటీఎఫ్ లను అందిస్తున్నాయి. అయితే వీటిలో మంచి పనితీరు, రాబడిని అందించే వాటికే ఎక్కువ ఆదరణ లభిస్తోంది.

* ఈ ఫండ్స్ ఏ ఇన్వెస్టర్ అయినా పెట్టుబడి పెట్టవచ్చు.

* ఈటీఎఫ్ విభాగంలో నగదు లభ్యతతో పాటు సంస్థాగత ఇన్వెస్టర్ల పెట్టుబడులు పెరిగితే ఇది మారవచ్చని మార్కెట్ వర్గాలు భావిస్తున్నాయి.

క్రమంగా పెరుగుతోంది..

* ఈక్విటీ నిర్వహణలోని ఆస్తుల్లో (ఏయుఎం) ఈటీఎఫ్ వాటా క్రమంగా పెరుగుతోంది.

* 2015 జులై లో ఈక్విటీ ఏయుఎం రూ. 3.9 లక్షల కోట్లు ఉంటే ఈటీఎఫ్ వాటా 1.8 శాతం ఉండేది.

* 2016 జులై లో ఈక్విటీ ఏయుఎం రూ. 4.5 లక్షల కోట్లకు చేరుకోగా ఈటీఎఫ్ వాటా 4.5 శాతానికి పెరిగింది.

* 2017, 2018 సంవత్సరాల్లోనూ ఇది పెరుగుతూ వచ్చింది.

* 2019 జులై నాటికీ ఈక్విటీ ఏయుఎం రూ. 7. 1 లక్షల కోట్లకు చేరుకోగా ఈటీఎఫ్ వాటా 20.4 శాతానికి ఎగబాకినట్టు యాంఫి గణాంకాల ద్వారా తెలుస్తోంది.

* ఈటీఎఫ్ లు అండర్లయింగ్ ఉత్పత్తులుగా స్టాక్స్, బాండ్లు, కమొడిటీలతో కలిసి స్టాక్ ఎక్స్చేంజి ల్లో ట్రేడ్ అవుతుంటాయి.