వారికే వర్తిస్తుంది...0.5 శాతం వడ్డీ చెల్లింపు

రుణం తీసుకునే వ్యక్తికి ప్రతి ఏడాది 0.5 శాతం వడ్డీని చెల్లించనున్నట్లు డెన్మార్క్ దేశంలోని జైస్కే బ్యాంకు ప్రకటించింది. అయితే ఇది హోమ్‌లోన్ తీసుకునే వారికి వర్తిస్తుంది. ఇంటిని కొనుగోలు చేసే వారు పదేళ్ల కాలపరిమితితో తీసుకునే రుణంపై ఈ ఆఫర్ వర్తిస్తుంది. ఇలా ఓ బ్యాంకు హోమ్ లోన్ తీసుకున్న వారికే వడ్డీని చెల్లించడం ప్రపంచంలోనే ఇది తొలిసారి.

ఇదే బ్యాంకు దారిలో...

జిస్కే బ్యాంకు డెన్మార్క్‌కు చెందిన మూడో అతిపెద్ద బ్యాంకు. తాము పదేళ్ల కాలపరిమితిపై 0.5 శాతం చెల్లిస్తామని చెబుతోంది. అదే దారిలో మరో డానిష్ బ్యాంకు... నోర్డీయా నడుస్తోంది. తమ బ్యాంకులో 20 ఏళ్ల కాలపరిమితిపై సున్నా వడ్డీ రేటు, 30 ఏళ్ల కాలపరిమితిపై 0.5 శాతం వడ్డీ చెల్లిస్తుందని తెలిపారు.

రీపేమెంట్ తగ్గుతుంది

జిస్కే బ్యాంకు ప్రకారం రుణగ్రహీతలు ప్రతి నెల తమ మంత్లీ రీపేమెంట్స్ (ఈఎంఐ చెల్లిస్తారు) చేస్తారు. ఇలా నెలనెలా చెల్లించే ఈఎంఐ కంటే అధిక మొత్తంలో మిగులు బకాయిని తగ్గించుకుంటూ రావడం జరుగుతుందని ఈ బ్యాంకు తెలిపింది. మొత్తంగా రుణం తీసుకున్న వ్యక్తి తాను తీసుకున్న దాని కంటే రీపేమెంట్ మొత్తం తగ్గుతుంది.

బ్యాంకు ఏం చెప్పిందంటే...

రుణగ్రహీతలకు తాము ఆ డబ్బును నేరుగా చేతికి ఇవ్వమని, కానీ ప్రతి నెల మీరు చెల్లించే రుణ మొత్తం తగ్గుతుందని, అప్పుడు మీరు తీసుకున్న దాని కంటే తగ్గుతుందని జిస్కే బ్యాంకు హౌసింగ్ ఎకనామిస్ట్ మిక్కెల్ హోగ్ వెల్లడించారు.

అందుకే అక్కడ ఇలా సాధ్యం

డెన్మార్క్‌తో పాటు స్వీడన్, స్విట్జర్లాండ్ దేశాల్లో మనీ మార్కెట్లో రేట్లు తగ్గిపోయాయి. ఎంతలా అంటే బ్యాంకుల పరిస్థితులను తలకిందులు చేసేస్థాయికి పడిపోయాయి. ఈ కారణంగా ఇక్కడ ఇలాంటి రుణాలు ఇవ్వడం సాధ్యమేనని చెబుతున్నారు.

డిపాజిట్ చేస్తే కస్టమర్‌పై వడ్డీ పోటు

బ్యాంకుల్లో చేసే డిపాజిట్స్ పైన మనకు ఎంతోకొంత వడ్డీ రేటు వస్తుంది. కానీ స్విట్జర్లాండ్‌కు చెందిన ఓ బ్యాంకు మాత్రం డిపాజిట్స్ పైన కస్టమర్లకే వడ్డీ విధిస్తోంది. ఈ మేరకు గత వారం ప్రకటన చేసింది. €500,000ను డిపాజిట్ చేసే వారి పైన ఏడాదికి 0.6 శాతం ఛార్జ్‌ను వసూలు చేసే ప్రక్రియను ప్రారంభిస్తామని వెల్లడించింది. రుణం తీసుకుంటే రుణగ్రహీతలకే వడ్డీ చెల్లించడం, డిపాజిట్ చేస్తే కస్టమర్ల పైనే వడ్డీ విధించడం ఆసక్తికరమే.