కియా కొత్త కారు ప్రారంభోత్సవానికి జగన్

కియా కొత్త కారు ప్రారంభోత్సవానికి జగన్ హాజరు కానున్నారు. దక్షిణ కొరియాకు చెందిన హ్యుండాయ్ అనుబంధ సంస్థ అయిన కియా మోటార్స్ పెనుగొండలో రూ.13,500 కోట్ల పెట్టుబడితో 650 ఎకరాల్లో కియా కార్ల ప్లాంట్‌ను ఏర్పాటు చేసింది. కియాతో ఏపీ ప్రభుత్వం 2017, ఏప్రిల్ 27న ఒప్పందం చేసుకుంది.

చంద్రబాబు హయాంలో ప్రారంభం

ప్లాంట్ నిర్మాణ పనులు 2017 నవంబర్ 15వ తేదీన ప్రారంభించారు. 2018 ఫిబ్రవరి 22న నాటి ముఖ్యమంత్రి చంద్రబాబు నాయుడు, కియా మోటార్స్ చీఫ్ పార్క్ చేతుల మీదుగా ఫేమ్ ఇన్‌స్టలేషన్ కార్యక్రమం జరిగింది. ఎన్నికలకు ముందు చంద్రబాబు కియా కారును ఆవిష్కరించారు. 2019 జనవరి 19న కియా కారులో చంద్రబాబు, కంపెనీ ప్రతినిధులు కాసేపు షికారు చేశారు. కియా తొలి కారును టెస్ట్ ట్రాక్‌లో చంద్రబాబు నడిపారు.

భవిష్యత్తులో ఉత్పత్తి రెండింతలు..

అనంతపురం జిల్లాలోని పెనుగొండలో ఉన్న కియా మోటార్స్ ప్లాంట్ నుంచి ఏడాదికి 3 లక్ష కార్లు ఉత్పత్తి కానున్నాయి. భవిష్యత్తులో ఏడాదికి ఏడు లక్షల కార్ల ఉత్పత్తి సామర్థ్యాన్ని పెంచనున్నారు. ఇక్కడ తయారైన ఇంజిన్లను టర్కీ, స్లొవేకియాకు ఎగుమతి చేస్తున్నట్లు కియా ప్రతినిధులు చెప్పారు.