రూ.లక్ష వరకు 3.5 శాతం, లక్ష మించితే రూ.3.25 శాతం

సేవింగ్స్ అకౌంట్లో రూ.లక్షకు మించి ఉన్న నగదుపై వడ్డీ రేటు తగ్గనుంది. ప్రస్తుతం సేవింగ్స్ ఖాతాలో రూ.కోటి వరకు ఉన్న నగదు నిల్వలపై రూ.3.5 శాతం వడ్డీ రేటు ఉంది. రూ.కోటికి మించితే 4 శాతం వడ్డీ చెల్లిస్తున్నారు. ఇకపై రూ.లక్ష లోపు నగదుకు 3.5 శాతం వడ్డీ చెల్లిస్తారు. రూ.లక్షకు మించిన నగదుపై మాత్రం 3.25 శాతం వడ్డీ రానుంది. ఎక్కువ అకౌంట్లలో రూ.కోటి లోపు మాత్రమే నగదు నిల్వలు ఉంటాయి. ఆర్బీఐ రెపో రేటు తగ్గించడంతో ఎస్బీఐ ఈ నిర్ణయం తీసుకుంది. వడ్డీని ప్రతి త్రైమాసికం చివరలో చెల్లిస్తారు.

95 శాతం మంది వీరే

రెపో రేటు తగ్గడంతో నిల్వలపై వచ్చే ఆదాయం కాస్త తగ్గనుంది. రెపో రేటు మరింత తగ్గితే వడ్డీ ఆదాయం కూడా మరింత తగ్గుతుంది. రెపో రేటు పెరిగితే వడ్డీ ఆదాయం పెరుగుతుంది. ఎస్బీఐ పొదుపు ఖాతాదారుల్లో 95 శాతం మంది రూ.లక్ష లోపు డిపాజిట్ కలిగిన వారే. కాబట్టి దీని ప్రభావం కొద్దిమంది పైనే ఉండనుందని అంటున్నారు.

రుణాలు

కొత్త రూల్స్ ప్రకారం ఎస్బీఐ రూ.లక్షకు పైగా క్యాష్‌ క్రెడిట్‌ ఖాతాలు, ఓవర్ డ్రాఫ్ట్‌ (ఓడీ)లపై వసూలు చేసే వడ్డీ రేట్లను రెపోతో లింక్ చేసింది. వీటిపై రెపో కంటే 2.25 శాతం అధిక వడ్డీ వసూలు చేయనుంది. అంటే ఈ సేవలు పొందేవారు బ్యాంక్‌‌కు 8.25 శాతం వార్షిక వడ్డీ చెల్లించాల్సి ఉంటుంది.

ఈ తరహా రుణాలపై 8.25 శాతం ఫ్లోర్‌ రేటుకు అదనంగా కస్టమర్ రిస్క్ ప్రొఫైల్‌ ఆధారంగా ప్రీమియం సైతం వసూలు చేయనున్నట్లు బ్యాంక్‌ వెల్లడించింది. గత నెల 9న రుణాలపై నిధుల ఎంసీఎల్ఆర్‌ను 0.05 శాతం తగ్గించింది.