ఆంధ్ర‌ప్ర‌దేశ్‌లో 1 గిగావాట్ సోలార్ పార్క్‌ను పూర్తి చేసే దిశ‌గా ఎన్‌టీపీసీ క‌దులుతోంది. దీన్ని అనంత‌పురం జిల్లాలో క‌దిరి ప్రాంతం నంబులపూలకుంట వ‌ద్ద ఏర్పాటు చేస్తున్నారు. ఇది దేశంలోనే అతిపెద్ద సోలార్ పార్క్‌. ఫేజ్‌1లో భాగంగా 250 మెగావాట్ల ఉత్ప‌త్తి ప్లాంటును పూర్తిచేశారు. మిగిలిన 750 మెగావాట్ల ప్రాజెక్టును వ‌చ్చే ఆర్థిక సంవ‌త్స‌రంలో పూర్తిచేస్తారు. ప్ర‌స్తుతం ఎన్‌టీపీసీ పూర్తిచేసిన ప్రాజెక్టుల్లో అనంత‌పురంలో 250 మెగావాట్ల పీవీ వోల్టాయిక్ ప్రాజెక్టు సైట్‌, అండ‌మాన్ అండ్ నికోబార్ దీవుల్లోని పోర్ట్‌బ్లెయిర్ వ‌ద్ద 5 మెగావాట్ల ప్రాజెక్టు, రామ‌గుండంద వద్ద 10 మెగావాట్ల ప్రాజెక్టులు ఉన్నాయి. ఫేజ్‌1లో టాటా సోలార్‌, స్టెర్లింగ్ అండ్ విల్స‌న్‌, బీహెచ్ఈఎల్‌, ల్యాంకో ప్ర‌ధాన ఉత్ప‌త్తిదారులుగా ఉన్నాయి.