వీక్లీ ఆఫ్, కాంప్ ఆఫ్, నైట్ షిఫ్ట్స్... : ఉద్యోగులకు గుడ్‌న్యూస్... ప్రభుత్వం ఏం కోరుకుంటోంది?

న్యూఢిల్లీ: వేతన (సెంట్రల్) నిబంధనల ముసాయిదాను యూనియన్ మినిస్ట్రీ ఆఫ్ లేబర్ అండ్ ఎంప్లాయిమెంట్ పబ్లిక్ డొమైన్‌లో ఉంచింది. స్టేక్ హోల్డర్స్ నుంచి, సాధారణ ప్రజల నుంచి ఇన్‌పుట్ కోరుతోంది. ఈ నిబంధనలు అమలు చేస్తే కనుక దానిని కోడ్ ఆఫ్ వేజెస్ (సెంట్రల్) రూల్స్, 2019గా పిలుస్తారు. కార్మిక చట్టాలను సవరించేందుకు సిద్ధమవుతోంది. ఇందుకోసం ఈ డ్రాఫ్ట్ విడుదల చేసింది. కోడ్ ఆప్ వేజెస్ 2019లోని సెక్షన్ 67 కింద జారీ చేసి ప్రజాభిప్రాయాన్ని కోరుతోంది. ముసాయిదాకు ఈ ఏడాది ఆగస్ట్ 8వ తేదీన రాష్ట్రపతి సమ్మతి లభించింది.

నైట్ షిఫ్ట్ చేస్తే 24 గంటల వీక్లీ ఆఫ్ తప్పనిసరి

- వేతన నిబంధనల ముసాయిదా 2019లో వీక్లీ ఆఫ్, నైట్ షిఫ్ట్ అంశాల ప్రస్తావన ఉంది. ఇందులో పలు కీలక అంశాలు ఉన్నాయి.

- వేతన నిబంధనల ముసాయిదా 2019 ప్రకారం నైట్ షిఫ్ట్‌లో వర్క్ చేసేవారికి పూర్తిగా 24 గంటల వీక్లీ ఆఫ్ కచ్చితంగా ఉండాలి.

- ఈ గంటల లెక్క షిఫ్ట్ ముగిసిన తర్వాత సమయం నుంచి ప్రారంభమవుతుంది. ఆ తర్వాత 24 గంటల అనంతరమే మరో షిఫ్ట్ ఉండాలి.

వారానికి ఒకరోజు సెలవు తప్పనిసరి

- ఉద్యోగుల డ్యూటీ టైమ్ అర్ధరాత్రి దాటిపోతే అప్పుడు వారిని నైట్ షిఫ్ట్ కిందకు పరిగణలోకి తీసుకుంటారు.

- ఉద్యోగి ముందు రోజు అధిక సమయం ఉన్నప్పటికీ, వీక్లీ ఆఫ్ అయితే 24 గంటలు ఉండాలి.

- వర్కర్లకు వీక్లీ ఆఫ్ తప్పనిసరి. వారంలో ఒకరోజు ఉద్యోగులందరికీ సెలవు దినం ఉండాలి.

- సాధారణంగా ఆదివారం సెలవుగా ఉండాలి. అయినప్పటికీ యజమాని ఏదో ఒకరోజు మాత్రం సెలవు ఇవ్వాలి.

- ఒక ఉద్యోగి ఆరు రోజుల పాటు ప్రతిరోజు (నిరంతరాయంగా) పని చేసినందున వారాంతపు సెలవు తప్పనిసరి.

- ఉద్యోగికి సెలవు రోజును ముందుగానే తెలియజేయాలి.

కాంప్ ఆఫ్ తీసుకోవచ్చు

- వర్కర్ ఆఫ్ రోజు పని చేస్తే మరో రోజు సెలవు తీసుకోవచ్చు. ఇలాంటి వాటిని కాంప్ ఆఫ్ అంటారు.

- ఉద్యోగి వీక్ ఆఫ్ తీసుకోకుండా పని చేశాడంటే మరొక రోజు తీసుకోవచ్చు.

- ఉద్యోగిని వరుసగా 10 రోజుల పాటు పని చేయించకూడదు.

- ఉద్యోగి విశ్రాంతి లేదా ఆఫ్ డే రోజు పని చేసి, ఆ తర్వాత కాంప్ ఆఫ్ తీసుకోకుంటే ఆ రోజుకు గాను వేతనం ఇవ్వాలి. దీనిని ఓవర్ టైమ్ రేటుతో ఇవ్వాలి.