ICICI Bank Customers Alert: iMobile పే యాప్ ద్వారా ట్రాన్సుఫర్..

ICICI బ్యాంకు కస్టమర్ల కోసం ఓ కొత్త అప్‌డేట్. ఐసీఐసీఐ బ్యాంకు మొబైల్ అనువర్తనం సహాయంతో నిధులను సులభంగా బదలీ చేయగలరు. ఐసీఐసీఐ బ్యాంకు కస్టమర్లు బ్యాంకు అధికారిక వెబ్‌సైట్‌లోకి వెళ్లి మరిన్ని వివరాలు తెలుసుకోవచ్చు. ఇటీవల ఓ ట్వీట్‌లో ఐసీఐసీఐ బ్యాంకు iMobilePayByICICIBankను ట్వీట్ చేస్తూ, కస్టమర్లు మరింత సౌకర్యవంతంగా, సులభంగా ఫండ్‌ను ట్రాన్సుఫర్ చేయవచ్చునని పేర్కొంది. ఈ నేపథ్యంలో ఐసీఐసీఐ మొబైల్ యాప్ డాట్ కాంలోకి వెళ్లి తొలుత యాప్ డౌన్ లోడ్ చేయాలి. ఆ తర్వాత ఏం చేయాలంటే..

ఇలా ట్రాన్సుఫర్ చేయాలి

- ఐసీఐసీఐ బ్యాంకు కస్టమర్ అయితే ఇలా చేయండి...

- mobile.icicibank.com/dl నుండి యాప్‌ను డౌన్‌లోడ్ చేసుకోవాలి.

- ఐసీఐసీఐ బ్యాంకు ఐ-మొబైల్ యాప్‌ను ఉపయోగించి కస్టమర్లు తమకు ఇష్టమైన వారికి డబ్బులను పంపించవచ్చు.

- మొదట ఐసీఐసీఐ బ్యాంకు ఐమొబైల్ యాప్‌లోకి లాగ్-ఇన్ కావాలి.

- నాలుగు అంకెల లాగ్-ఇన్ పిన్‌ను ఎంటర్ చేయాలి.

- ట్రాన్సుఫర్ ఫండ్ పైన క్లిక్ చేయాలి.

- 'పేయీ'ని యాడ్ చేసిన తర్వాత Add/ Manage Payee పైన క్లిక్ చేయాలి.

ఐసీఐసీఐ కస్టమర్ అయితే...

- మీరు డబ్బులు ట్రాన్సుఫర్ చేసేవారు కూడా ఐసీఐసీఐ బ్యాంకు కస్టమర్ అయితే దీనిని ఎంచుకోండి. లేదా ఆ బ్యాంకును ఎంచుకోండి.

- 'పేయీ' వివరాలు ఎంటర్ చేయాలి. ఉదాహరణకు అకౌంట్ నేమ్, అకౌంట్ నెంబర్, నిక్‌నేమ్, IFSC కోడ్ ఎంటర్ చేయాలి.

- ఆ తర్వాత ప్రొసీడ్ పైన క్లిక్ చేయాలి.

- ఓటీపీ వస్తే, దానిని ఎంటర్ చేయాలి.

- ఆ తర్వాత అమౌంట్ ఎంటర్ చేయాలి, ప్రొసీడ్ పైన క్లిక్ చేయాలి.

- ట్రాన్సాక్షన్‌ను ధృవీకరించేందుకు కన్‌ఫర్మ్ పైన క్లిక్ చేయాలి.

- ఆ తర్వాత మళ్లీ ఫోర్-డిజిట్ పిన్ నెంబర్‌ను ఎంటర్ చేయాలి.

- ఆ తర్వాత మనీ ట్రాన్సుఫర్ అవుతుంది.

వేరే బ్యాంకు కస్టమర్ అయితే...

- పేయీ మరో బ్యాంకు కస్టమర్ అయితే ఇలా చేయండి

- పేయీస్ జాబితా నుండి పేయీని ఎంచుకోవాలి.

- పే చేసే మొత్తాన్ని ఎంటర్ చేయండి.

- NEFT/RTGS/IMPS నుండి ట్రాన్సుఫర్ టైప్‌ను ఎంచుకోవాలి. ఇక్కడ గుర్తుంచుకోవాల్సి విషయం ఏమంటే NEFT ద్వారా రూ.20 లక్షలు ట్రాన్సుఫర్ చేసుకోవచ్చు.

- RTGS ద్వారా రూ.2 లక్షల నుండి రూ.20 లక్షల వరకు ట్రాన్సుఫర్ చేయవచ్చు.

- IMPS 365 రోజులు 24x7 అందుబాటులో ఉంటుంది.

- నౌ-లాటర్ మధ్య ఎంచుకోండి.

- పేమెంట్ టైప్, ఫ్రీక్వెన్సీ, ఇన్‌స్టాల్‌మెంట్స్ ఎంటర్ చేయాలి.

- ప్రొసీడ్ పైన క్లిక్ చేయాలి.

- ట్రాన్సుఫర్ సక్సెస్ అవుతుంది.