ఆధార్ సమస్యల పరిష్కారం కోస హెల్ప్‌లైన్ నెంబర్ ఇదే!

ఆధార్ హెల్ప్‌లైన్ సమయం

ఆధార్ హెల్ప్ లైన్ వారమంతా అందుబాటులో ఉంటుంది. ఏజెంటుతో మాట్లాడేందుకు 1947కు కాల్ చేయాలి.

ఆధార్ సంబంధ సందేహాల్ని తీర్చుకోవడం కోసం సోమవారం నుండి శనివారం వరకు ఉదయం 7 గంటల నుండి రాత్రి 11 గంటల వరకు 1947కు ఫోన్ చేయవచ్చు. ఆధివారం ఉదయం 8 గంటల నుండి సాయంత్రం 5 గంటల వరకు అందుబాటులో ఉంటుంది.

ఆధార్ హెల్ప్ లైన్ 1947 హిందీ, ఇంగ్లీష్, తెలుగు, కన్నడ, తమిళం, మలయాళం, పంజాబీ, గుజరాతీ, మరాఠీ, ఒరియా, బెంగాళీ, అసామీ, ఉర్దూ భాషలలో సేవలు అందిస్తోంది.

IVRS ఇప్పుడు 24x7 అందుబాటులో ఉంటుంది.

రిజిస్టర్డ్ మొబైల్ నెంబర్ నుండి

ఒకరోజులో లక్షన్నర కాల్స్ స్వీకరించే సామర్థ్యం UIDAI కాల్ సెంటర్‌కు ఉంది. మీ మొబైల్ నుండి లేదా ల్యాండ్ లైన్ నుండి కాల్ చేయవచ్చు. మీ ఆధార్ నెంబర్‌ను చెప్పి, మీ సందేహాన్ని తీర్చుకోవచ్చు. దగ్గరలోని ఆధార్ సెంటర్ వివరాలు, ఎన్‌రోల్‌మెంట్ స్టేటస్, ఆధార్ కార్డు డెలివరీ స్టేటస్ వంటి వివరాలు తెలుసుకోవచ్చు. ఆధార్ ప్రతినిధి మీ సందేహాలకు సమాధానం ఇస్తారు. ఆధార్ కార్డు హోల్డర్లు తమ రిజిస్టర్డ్ మొబైల్ ద్వారా హెల్ప్ లైన్ నెంబర్‌కు ఫోన్ చేయవచ్చు.

1947 డయల్ చేయడం

ఆధార్ అఫీషియల్ హైదరాబాద్ ఈ మేరకు సోషల్ మీడియా అనుసంధాన వేదిక ట్విట్టర్ ద్వారా వెల్లడించింది. 'మీ మొబైల్ లేదా ల్యాండ్‌లైన్ నుండి 1947 డయల్ చేయడం ద్వారా మీరు మీ సమీప ఆధార్ కేంద్రాన్ని వివరాలు పొందవచ్చు . మీరు ప్రాంతంలోని అథరైజెడ్ ఆధార్ కేంద్రాల చిరునామాలు వంటి వివరాలను పొందవచ్చు. మీరు కేంద్రం యొక్క వివరాలను mAadhaar App నుండి కూడా పొందవచ్చు.' అని పేర్కొంది.