మీ ఆధార్‌ను ఎక్క‌డ వాడారో తెలుసుకోండిలా...

ఆధార్ వెబ్‌సైట్లో స‌ర్వీసెస్ ట్యాబ్‌లో

- యూఐడీఏఐ ఆధార్ ఆథెంటికేషన్ హిస్టరీ పేజ్‌కు వెళ్లాలి (https://resident.uidai.gov.in/notification-aadhaar). అక్క‌డ కుడివైపు కింద ఆధార్ స‌ర్వీసెస్ అనే ట్యాబ్ ఉంటుంది.

- మీ ఆధార్ నంబర్‌తో పాటు క్యాప్చా కోడ్ ఎంటర్ చేయాలి.

ఇలా చేయండి

- ఆ త‌ర్వాత జనరేట్ ఓటీపీ క్లిక్ చేస్తే.. రిజిస్టర్డ్ మొబైల్‌కు ఓటీపీ వస్తుంది. మీ మొబైల్ నంబ‌రుకు ఓటీపీ వ‌చ్చేందుకు ఆధార్ వెబ్‌సైట్లో మొబైల్ నంబ‌రు న‌మోదయి ఉండాల‌ని మ‌ర‌వ‌కండి.

- తర్వాతి పేజీలో మీకు ఎలాంటి సమాచారం కావాలో కోరుతూ కొన్ని ఆప్షన్స్ డిస్‌ప్లే అవుతాయి. బయోమెట్రిక్, డెమొగ్రాఫిక్‌లాంటివి. ప్రస్తుత తేదీ నుంచి గరిష్ఠంగా ఆరు నెలల కిందటి వరకు మీరు ఆధార్‌ను ఎలా ఎక్కడ వాడారో తెలుసుకోవచ్చు.

కావాల్సిన వివ‌రాలు ప్ర‌త్య‌క్షం

- చివరి కాలమ్‌లో ఓటీపీ ఎంటర్ చేసి సబ్‌మిట్ చేస్తే మొత్తం మీకు కావాల్సిన వివ‌రాలు ప్ర‌త్య‌క్ష‌మ‌వుతాయి.

- మీరు ఏ రోజు, ఏ సమయానికి, ఎలాంటి పని కోసం ఆధార్‌ను ఇచ్చారన్న వివరాలు వస్తాయి. అయితే ఇందులో మీ ఆధార్ వాడిన కంపెనీ లేదా ఏజెన్సీ పేర్లు మాత్రం చూపించదు.

అనుమానం వ‌స్తే లాక్ చేయండి

అందుకోస‌మే మీకు ఏదైనా అనుమానం వ‌స్తే మీ ఆధార్ వివ‌రాలు మీరు అనుమతిస్తేనే అవ‌తలి వాళ్లు వాడుకునేలా చేయొచ్చు. ఇందుకోసం ఆన్‌లైన్‌లో ఆధార్ వివ‌రాల‌ను లాక్ చేయ‌వ‌చ్చు. ఏదైనా ఏజెన్సీ లేదా సంస్థ ఆ వివ‌రాల‌ను తెలుసుకోవాల్సి వ‌చ్చినప్పుడు మీరు అన్‌లాక్ చేయ‌వ‌చ్చు.

ఆధార్ కార్డు స‌మాచారాన్ని ఆన్‌లైన్లో లాక్, అన్‌లాక్ చేయ‌డం ఎలా?