special fixed deposit: SBI, HDFC, ICICI, బ్యాంక్ ఆఫ్ బరోడా ప్రత్యేక వడ్డీ రేట్లు
కరోనా మహమ్మారి నేపథ్యంలో డిమాండ్ పెంచి, ఆర్థిక వ్యవస్థకు ఊతమిచ్చేందుకు ఆర్బీఐ వివిధ వడ్డీ రేట్లలో వరుసగా కోతలు విధించింది. తదనుగుణంగా ఫిక్స్డ్ డిపాజిట్స్ వడ్డీ రేట్లు కూడా తగ్గాయి. కేవలం వీటి పైనే ఆధారపడే వారు, వృద్ధులపై ప్రభావం పడింది. దీంతో పలు బ్యాంకులు కాస్త ఊరటనిచ్చే ఉద్దేశ్యంలో భాగంగా సీనియర్ సిటిజన్స్కు స్పెషల్ ఫిక్స్డ్ డిపాజిట్ వడ్డీ రేటును ప్రవేశపెట్టాయి. సీనియర్ సిటిజన్లకు స్పెషల్ ఫిక్స్డ్ డిపాజిట్ పథకాన్ని 30 జూన్ 2021 వరకు పొడిగించారు.
ఈ పథకంలో నెలకు రూ.100 ఇన్వెస్ట్ చేస్తే ఐదేళ్లకు లక్షలు చేతికి...
సీనియర్ సిటిజన్లకు అదనపు వడ్డీ
సాధారణ ఎఫ్డీ పథకాలతో పోలిస్తే సీనియర్ సిటిజన్లకు అదనంగా 50 బేసిస్ పాయింట్లు ఉంటాయి. ప్రత్యేక ఎఫ్డీ వడ్డీ స్కీం అదనపు వడ్డీ రేటును అందిస్తుంది. ఐసీఐసీఐ, హెచ్డీఎఫ్సీ, ఎస్బీఐ, బ్యాంక్ ఆఫ్ బరోడాలు సీనియర్ సిటిజన్లకు అందించే ప్రత్యేక FD స్కీం వివరాలు ఇలా...
ఎస్బీఐ వీకేర్ డిపాజిట్
ఎస్బీఐ 'వీకేర్ డిపాజిట్' సీనియర్ సిటిజన్లకు అందించే ప్రత్యేక FD స్కీం. సాధారణ పౌరులకు వర్తించే వడ్డీ రేటు కంటే ఎక్కువగా ఉంటుంది. 80 బేసిస్ పాయింట్ల వడ్డీ రేటు ఉంది. సాధారణంగా సీనియర్ సిటిజన్లు ప్రత్యేక ఫిక్స్డ్ డిపాజిట్ చేస్తే వడ్డీ రేటు 6.20 శాతంగా ఉంటుంది.
HDFC బ్యాంకు సీనియర్ సిటిజన్ కేర్
HDFC బ్యాంకు సీనియర్ సిటిజన్ కేర్ FD 75 బేసిస్ పాయింట్ల అదనపు వడ్డీ రేటును అందిస్తోంది. ఈ ప్రత్యేక ఎఫ్డీ స్కీం కింద 6.25 శాతం వడ్డీ రేటు వర్తిస్తుంది.
ICICI బ్యాంకు గోల్డెన్ ఇయర్స్
ICICI బ్యాంకు గోల్డెన్ ఇయర్స్ FD స్కీం కింద 80 బేసిస్ పాయింట్ల అదనపు వడ్డీ రేటును అందిస్తోంది. ఈ ప్రత్యేక ఎఫ్డీ స్కీం కింద 6.30 శాతం వడ్డీ రేటు వర్తిస్తుంది.
బ్యాంక్ ఆఫ్ బరోడా
బ్యాంక్ ఆఫ్ బరోడా సీనియర్ సిటిజన్ కోసం 100 బేసిస్ పాయింట్ల అదనపు వడ్డీ రేటును అందిస్తోంది. ఈ ప్రత్యేక ఎఫ్డీ స్కీం కింద (5 ఏళ్ల నుండి 10 ఏళ్లు) 6.25 శాతం వడ్డీ రేటు వర్తిస్తుంది.