PF అకౌంట్ కాంట్రిబ్యూషన్ డబుల్ చేసుకోవచ్చు? ఇలా చేస్తే 'రెండింతలు' లాభం.. కానీ!:
ప్రతి ఉద్యోగి కనీస వేతనంలో 12 శాతం డబ్బును భవిష్యత్తు కోసం ప్రావిడెంట్ ఫండ్ (పీఎఫ్) ఖాతాలో జమ చేస్తారు. అందుకు సమానమైన మొత్తాన్ని మీ పేరిట పీఎఫ్ ఖాతాకు యాజమాన్యాలు కూడా జమ చేస్తాయి. ఉద్యోగ విరమణ అనంతరం జీవితం సాఫీగా సాగేందుకు పీఎఫ్ సదుపాయం ఎంతో ప్రయోజనకరం. భవిష్యత్తుకు భరోసా ఇచ్చే పీఎఫ్ అకౌంట్లో మీరు మీ సొమ్మును రెండింతలు జమ చేసుకోవచ్చుననే విషయం మీకు తెలుసా?
SBI alert: మే 1వ తేదీ నుంచి మారనున్న రూల్స్! మీకు ఎలా ప్రయోజనమే తెలుసుకోండి
పీఎఫ్ కాంట్రిబ్యూషన్ రెండింతలు చేసుకోవచ్చు
ఇప్పుడు దాదాపు అందరూ ప్రస్తుతం కంటే, భవిష్యత్తు గురించి ఆలోచిస్తున్నారు. పీఎఫ్ అకౌంట్ అందుకు ఎంతో ప్రయోజనకరం. ఎంతోమంది భవిష్యత్తు కోసం వివిధ మార్గాల్లో ఇన్వెస్ట్ చేస్తారు. అందులో పీఎఫ్ ఒకటి. మిగతా వాటిల్లో ఇన్వెస్ట్ మన ఇష్టంపై ఆధారపడి ఉంటుంది. పీఎఫ్ మాత్రం కంపల్సరీ. ప్రతి ఉద్యోగి వేతనంలో 12 శాతం (బేసిక్ శాలరీ) పీఎఫ్ అకౌంట్లో జమ అవుతుంది. అంతేమొత్తం యాజమాన్యం జమ చేస్తుంది. కానీ ఉద్యోగి తమ పీఎఫ్ కాంట్రిబ్యూషన్ను రెండింతలు అంటే 24 శాతం కూడా చేసుకునే వెసులుబాటు ఉంది. మీ వాటా రెండింతలు పెరగడం, మీ భవిష్యత్తుకు ఎంతో ఉపయోగపడుతుంది. అయితే ప్రస్తుతం మీ చేతికి వచ్చే వేతనం మాత్రం తగ్గుతుందనే విషయం గుర్తుంచుకోండి.
యజమానికి వర్తించదు
ఉద్యోగి తమ పీఎఫ్ను రెండింతలు చేసుకోవచ్చునని, రెండింతలు అంటే అది వంద శాతం అవుతుందని, కానీ ఎంప్లాయర్ (యజమాని) మాత్రం అలా చేయాల్సిన నిబంధన లేదని నిపుణులు చెబుతున్నారు. 12 శాతం వరకు పీఎఫ్ విషయంలో యజమానికి నిబంధనలు ఉంటాయి. కానీ ఉద్యోగి దీనిని రెండింతలు చేసుకుంటే యజమానికి మాత్రం అది వర్తించదని చెబుతున్నారు.
రెండింతలుతో ప్రయోజనాలు
మీ పీఎఫ్ అకౌంట్ను రెండింతలు చేసుకుంటే భవిష్యత్తులో ఉపయోగకరం. అలాగే, ఇన్కం ట్యాక్స్ యాక్ట్లోని సెక్షన్ 80సి కింద ట్యాక్స్ బెనిఫిట్స్ ఉంటాయి. కాగా, ప్రస్తుతం ఈపీఎప్ అకౌంట్ డిపాజిట్ పైన 8.65 శాతం వడ్డీ రేటు ఉంది. మీ కాంట్రిబ్యూషన్ రెండింతలు అయితే మీ వడ్డి రేటు పెరుగుతుంది. అలాగే, రిటైర్మెంట్ సమయానికి ఎక్కువ వచ్చినట్లుగా ఉంటుంది. ప్రస్తుతం మాత్రం చేతికి తక్కువగా వస్తుంది.