6 కంపెనీల మార్కెట్ క్యాప్ రూ.60,000 కోట్లు జంప్: అదరగొట్టిన ఇన్ఫోసిస్, టీసీఎస్

టాప్ 10 కంపెనీల్లోని ఆరు కంపెనీల మార్కెట్ క్యాపిటలైజేషన్ భారీగా ఎగిసింది. ఈ కంపెనీల ఎం-క్యాప్ గతవారం రూ.60,198.67 కోట్లు పెరిగింది. టెక్ దిగ్గజాలు ఇన్ఫోసిస్, టాటా కన్సల్టెన్సీ సర్వీసెస్(TCS) భారీ రిటర్న్స్ ఇచ్చాయి. రిలయన్స్ ఇండస్ట్రీస్, హిందూస్తాన్ యూనీలీవర్ లిమిటెడ్, కొటక్ మహీంద్రా బ్యాంకు, భారతీ ఎయిర్ టెల్ సంస్థల ఎం-క్యాప్ కూడా పెరిగింది. అదే సమయంలో HDFC బ్యాంకు, HDFC, ICICI బ్యాంకు, బజాజ్ ఫైనాన్స్ కంపెనీల మార్కెట్ క్యాప్ తగ్గింది.

మార్కెట్ క్యాప్ జంప్

ఐటీ దిగ్గజం ఇన్ఫోసిస్ మార్కెట్ క్యాపిటలైజేషన్ రూ.19,849.41 కోట్లు పెరిగి రూ.5,26,627.07 కోట్లకు చేరుకుంది.

టీసీఎస్ ఎం-క్యాప్ రూ.17,204.68 కోట్లు పెరిగి రూ.10,91,362.33 కోట్లకు చేరింది.

హెచ్‌యూఎల్ మార్కెట్ క్యాప్ రూ.16,035.72 కోట్లు ఎగిసి రూ.5,63,881.75 కోట్లుగా నమోదయింది.

భారతీ ఎయిర్‌టెల్ మార్కెట్ క్యాప్ రూ.3,518.83 కోట్లు పెరిగి రూ.2,82,079.59 కోట్లకు చేరింది.

కొటక్ మహీంద్రా బ్యాంకు ఎం-క్యాప్ రూ.2,544.02 కోట్లు ఎగిసి రూ.3,88,414.04 కోట్లకు చేరింది.

రిలయన్స్ ఇండస్ట్రీస్ ఎంక్యాప్ రూ.1,046.01 కోట్లు పెరిగి రూ.12,64,021.09 కోట్లకు చేరుకుంది.

ఈ సంస్థల ఎం-క్యాప్ డౌన్

HDFC బ్యాంకు మార్కెట్ క్యాపిటలైజషన్ రూ.7,755 కోట్లు క్షీణించి రూ.7,69,364.60 కోట్లకు చేరింది.

HDFC మార్కెట్ క్యాప్ రూ.4,445.63 కోట్లు తగ్గి రూ.4,41,728.42 కోట్లకు పెరిగింది.

బజాజ్ ఫైనాన్స్ ఎం-క్యాప్ రూ.4,121.69 కోట్లు క్షీణించి రూ.3,12,360.19 కోట్లుగా నమోదయింది.

ఐసీఐసీఐ బ్యాంకు మార్కెట్ క్యాప్ రూ.2,263.57 కోట్లు తగ్గి రూ.3,54,590.10 కోట్లకు చేరుకుంది.

టాప్ 10 కంపెనీలు వరుసగా...

టాప్ టెన్ కంపెనీలు వరుసగా రిలయన్స్, TCS, HDFC బ్యాంకు, HUL, ఇన్ఫోసిస్, HDFC, కొటక్ మహీంద్రా బ్యాంకు, ICICI బ్యాంకు, బజాజ్ ఫైనాన్స్, భారతీ ఎయిర్ టెల్ ఉన్నాయి. గత వారం బీఎస్ఈ సెన్సెక్స్ 12.85 శాతం లేదా 0.02 శాతం ఎగిసింది. శుక్రవారం మార్కెట్‌కు సెలవు రోజు. మొత్తం నాలుగు రోజులు మార్కెట్లు నడిచాయి.