Personal Loan: మీరు పర్సనల్ లోన్ తీసుకున్నారా.. అయితే ఈ విషయాలు తెలుసుకోండి..

మనం జీవించడానికి డబ్బు అవసరం. అయితే కొన్ని సందర్భాల్లో మన వద్ద డబ్బు లేకుంటే అప్పు చేస్తాం. అయితే బయట అప్పు చేస్తే వడ్డీ ఎక్కువ ఉంటుంది. అందుకే బ్యాంకుల్లో, ఎన్ బీఎఫ్ సీల్లో లోన్ తీసుకుంటాం. అయితే హోం లోన్, ఎడ్యుకేషన్ లోన్, వెహికిల్ లోన్, గోల్డ్ లోన్, పర్సనల్ లోన్ తీసుకుంటుంటారు. అయితే ఇందులో పర్సనల్ లోన్ కు కాస్త వడ్డీ ఎక్కువ ఉంటుంది.

అవసరం ఉంటేనే..

అందుకే అత్యవసరం ఉంటే తప్ప పర్సనల్ లోన్ తీసుకొవద్దని ఆర్థిక నిపుణులు చెబుతుంటారు. పర్సనల్ లోన్ నిజానికి అన్-సెక్యూర్డ్ లోన్, అంటే బంగారం, గృహ రుణాల వంటి జమ చేయడానికి ఎలాంటి పూచీకత్తు లేదా సెక్యూరిటీ అవసరం లేదు. సరళంగా చెప్పాలంటే, రుణగ్రహీత ఎటువంటి హామీ లేదా ఏదైనా తాకట్టు తీసుకోవలసిన అవసరం లేదు.

12 నుంచి 60 నెలలు

ఈ లోన్ రీపేమెంట్ కాలవ్యవధి సాధారణంగా 12 నుంచి 60 నెలల మధ్య ఉంటుంది. పర్సనల్ లోన్ తీసుకుంటున్నప్పుడు, కచ్చితంగా వడ్డీ రేట్లను లెక్కించండి. ఎందుకంటే వ్యక్తిగత రుణ వడ్డీ రేట్లు ఇతర రకాల రుణాల కంటే ఎక్కువగా ఉంటాయి. పర్సనల్ లోన్ వడ్డీ రేట్లు 10 నుంచి 24 శాతం వరకు ఉంటాయి. అందుకే తక్కువ వడ్డీ రేటు ఉన్న చోట పర్సనల్ లోన్ తీసుకోవడం మంచిది.

వీలైనంత తక్కువగా తీసుకోవాలి

సాధారణంగా వ్యక్తిగత రుణం మంచిది కాదు. కొన్నిసార్లు మీరు EMI చెల్లించలేని పరిస్థితి ఏర్పడుతుంది. అటువంటి పరిస్థితిలో, మీరు తీసుకున్న అప్పు తలనొప్పిగా మారుతుంది. అందుకే సులభంగా లభించే పర్సనల్ లోన్ తీసుకునేటప్పుడు వీలైనంత తక్కువగా తీసుకోవాలి. మీరు సులభంగా చెల్లించగలిగే మొత్తంలో రుణాన్ని తీసుకోండి.

వడ్డీ రేట్లు

ప్రస్తుతం బ్యాంకులు, NBFCల వ్యక్తిగత రుణాలు ఇస్తున్నాయి.మీరు మీ సౌలభ్యం ప్రకారం ఈ ఎంపికలలో దేనినైనా ఎంచుకోవచ్చు. అయితే, మీరు రుణదాతను ఎన్నుకునేటప్పుడు అవసరమైన జాగ్రత్తలు తీసుకోవాలి. ఇందులో, రుణదాత వసూలు చేసే వడ్డీ రేటు, ప్రాసెసింగ్ ఫీజు, కన్వీనియన్స్ ఫీజు, ఇతర ఛార్జీలను క్షుణ్ణంగా పరిశీలించాలి.