Click it and Unblock the Notifications
మాస్కో: ప్రాణాంతక కరోనా వైరస్ మహమ్మారిని నిర్మూలించడానికి రష్యా అభివృద్ధి చేసిన స్పుత్నిక్ వీ (Sputnik V) వ్యాక్సిన్ భారత్లో అత్యవసర పరిస్థితుల్లో వినియోగించడానికి సిద్ధంగా ఉంది. ఇప్పటికే దీనికి సంబంధించిన రెండు బ్యాచ్ల వ్యాక్సిన్లు భారత్కు అందాయి. రష్యా నుంచి హైదరాబాద్కు చేరుకున్నాయి. హైదరాబాదీ టాప్ ఫార్మాసూటికల్స్ కంపెనీ డాక్టర్ రెడ్డీస్ ల్యాబొరేటరీస్ ఈ వ్యాక్సిన్ను ఉత్పత్తి చేసే కాంట్రాక్ట్ను పొందింది. ఈ కంపెనీ నుంచే వ్యాక్సిన్ డిస్ట్రిబ్యూషన్ కొనసాగుతోంది. చాలాకాలం నుంచి వార్తల్లో నానుతోన్న స్పుత్నిక్ లైట్ (Sputnik Light) వ్యాక్సిన్ కోసం ఇంకా ఎదురు చూడాల్సి వస్తోంది.
ఇంకా పరిశీలన దశలో..
స్పుత్నిక్ లైట్ వ్యాక్సిన్ను అత్యవసర పరిస్థితుల్లో వినియోగించడానికి అనుమతి ఇవ్వాలంటూ రష్యా డైరెక్ట్ ఇన్వెస్ట్మెంట్ ఫండ్ (RDIF) ఇదివరకే దరఖాస్తులను దాఖలు చేసింది. అవి ఇంకా పరిశీలన దశలోనే ఉన్నాయి. ఈ ప్రతిపాదనలపై ఆమోదం కోసం ఆర్డీఐఎఫ్ ఎదురు చూస్తోంది. స్పుత్నిక్ లైట్ వ్యాక్సిన్కు ఇంకా అనుమతి లభించలేదని రష్యాలోని భారత రాయబారి డీ బాల వెంకటేష్ వర్మ స్పష్టం చేశారు. త్వరలోనే అనుమతి లభిస్తుందని ఆశిస్తున్నట్లు చెప్పారు. ఈ వ్యాక్సిన్ కూడా అందుబాటులోకి వస్తే.. భారత్-రష్యా మధ్య ఉన్న సంబంధాలు మరింత బలోపేతమౌతాయని అన్నారు.
మూడోదశల్లో వ్యాక్సిన్
భారత్లో మూడుదశల్లో ఈ వ్యాక్సిన్ను ఉత్పత్తి చేయాల్సి ఉందని ఆయన వివరించారు. తొలిదశలో రష్యా నుంచి వ్యాక్సిన్లు భారత్కు అందాల్సి ఉందని, ఈ దశ పూర్తయిందని ఆయన చెప్పారు. ఇక రెండోదశలో ఆర్డీఎఫ్ఐ ఆ వ్యాక్సిన్లను పెద్ద ఎత్తున భారత్కు సరఫరా చేయాల్సి ఉందని అన్నారు. ఈ దశ కూడా సిద్ధంగా ఉందని, వాటిని బాటిళ్లలో నింపాల్సిన ప్రక్రియ ఒక్కటే మిగిలిపోయి ఉందని బాల వెంకటేష్ వర్మ తేల్చి చెప్పారు. దీనికోసం అనుమతి తీసుకోవాల్సిన ప్రక్రియ మాత్రమే మిగిలి ఉందని అన్నారు.
సాంకేతిక పరిజ్ఞానం భారత్కు బదిలీ..
మూడోదశలో రష్యా ప్రభుత్వం.. స్పుత్నిక్ లైట్ వ్యాక్సిన్ సాంకేతిక పరిజ్ఞానాన్ని భారత్కు పూర్తిస్థాయిలో బదిలీ చేయాల్సి ఉంటుందని ఆయన వ్యాఖ్యానించారు. ఈ మూడు దశల ప్రక్రియ పూర్తయితే- భారత్లో ప్రతి సంవత్సరానికీ 850 మిలియన్ డోసుల స్పుత్నిక్ లైట్ వ్యాక్సిన్లను ఉత్పత్తి చేయడానికి అవకాశం ఉంటుందని ఆయన పేర్కొన్నారు. ఈ ప్రక్రియ త్వరలోనే పూర్తవుతుందని భావిస్తున్నట్లు ఆయన అంచనా వేశారు. స్పుత్నిక్ లైట్ వ్యాక్సిన్ అందుబాటులోకి వస్తే.. కరోనా వైరస్ నిర్మూలన ప్రక్రియ మరింత వేగవంతమౌతుందనడంలో సందేహాలు అక్కర్లేదని అభిప్రాయపడ్డారు.
More From GoodReturns
కొంపలు ముంచుతున్న ఇరాన్ యుద్ధం.. కొనేవారు లేక దుబాయ్లో కుప్పలు కుప్పలుగా పడిన బంగారం ..
బంగారం ధరలు ఈ స్థాయికి వస్తేనే కొనడానికి వెళ్లండి.. పసిడి ధరలపై ఆర్థిక నిపుణులు కీలక సూచన..
ఒక్కసారిగా పెరిగిన బంగారం ధర .. రేట్లు చూసి పసిడి ప్రియులు లబోదిబో.. మార్చి 7, శనివారం ధరలు ఇవే..
ప్రయోగశాలలో పండించిన బంగారం వచ్చేస్తోంది.. ఇక పసిడి తవ్వకాలకు గుడ్ బై చెప్పడమే..
వెనిజులా నుండి అమెరికాకు 100 మిలియన్ డాలర్ల బంగారం.. బులియన్ మార్కెట్లో నెలకొన్న హైప్..
Bengaluru: ఒకే వీధి.. రెండు ప్రపంచాలు.. బెంగళూరులోని ఆ వీధికి విదేశీయుడు ఫిదా!
బంగారం ధరలు ఒక్కసారిగా తగ్గడంపై ఆశ్చర్యపోతున్న బులియన్ నిపుణులు.. భవిష్యత్ ర్యాలీపై తీవ్ర ఆందోళన..
బంగారంతో పోలాండ్ సరికొత్త ప్లాన్..ప్రపంచ దేశాలు షాక్.. యుద్ద సామాగ్రిపై కీలక ప్రకటన..
ఒక్కసారిగా తగ్గిన బంగారం ధర .. తగ్గిన రేట్లతో పసిడి ప్రియుల్లో జోష్.. మార్చి 9, సోమవారం ధరలు ఇవే..
బంగారం ధరలు: క్రూడ్ ఆయిల్ పతనం తర్వాత బంగారం, వెండి ధరలు ఇలా..
Stock market: స్టాక్ మార్కెట్ ఇన్వెస్టర్లకు అలర్ట్.. సోమవారం భారీ పతనం తప్పదా?
Sign in with Google