ఆర్బీఐ ఎఫెక్ట్, బ్యాంకు, ఫైనాన్షియల్ స్టాక్ డౌన్: ఊగిసలాటలో స్టాక్ మార్కెట్లు

ఊగిసలాటలో మార్కెట్

నేడు ఉదయం గం.9.16 సమయానికి సెన్సెక్స్ 101.75 పాయింట్లు లేదా 0.21 శాతం క్షీణించి 49,167.57 పాయింట్ల వద్ద, నిఫ్టీ 26.80 పాయింట్లు లేదా 0.19 శాతం క్షీణించి 14,458 పాయింట్ల వద్ద ప్రారంభమైంది. 629 షేర్లు లాభాల్లో 663 షేర్లు నష్టాల్లో ప్రారంభం కాగా, 58 షేర్లలో ఎలాంటి మార్పులేదు. గం.11.35 సమయానికి సెన్సెక్స్ 55 పాయింట్లు క్షీణించి 49,214 వద్ద ట్రేడ్ అయింది. నిఫ్టీ ప్రారంభంలో నష్టాల్లో ఉన్నప్పటికీ ఆ తర్వాత స్వల్ప లాభాల్లోకి వచ్చింది. సెన్సెక్స్ నష్టాల్లో, నిఫ్టీ లాభ-నష్టాల ఊగిసలాటలో ఉన్నాయి. ఇక డాలర్ మారకంతో రూపాయి 73.43 వద్ద ప్రారంభమైంది. నిన్న 73.38 వద్ద క్లోజ్ అయింది.

టాప్ లూజర్స్, గెయినర్స్

నేటి మోస్ట్ యాక్టివ్ స్టాక్స్‌లో 10.40 శాతం, ఐచర్ మోటార్స్ 5.22 శాతం, గెయిల్ 4.24 శాతం, కోల్ ఇండియా 3.88 శాతం, ఐవోసీ 3.07 శాతం లాభపడ్డాయి.

నేటి టాప్ లూజర్స్ జాబితాలో ఏషియన్ పేయింట్స్ 1.99 శాతం, దివిస్ ల్యాబ్స్ 1.96 శాతం, టైటాన్ కంపెనీ 1.95 శాతం, సన్ ఫార్మా 1.71 శాతం, కొటక్ మహీంద్రా బ్యాంకు 1.66 శాతం నష్టాల్లో ఉన్నాయి.

మోస్ట్ యాక్టివ్ స్టాక్స్‌లో టాటా మోటార్స్, రిలయన్స్, టాటా స్టీల్, బజాజ్ ఫైనాన్స్, ఐచర్ మోటార్స్ ఉన్నాయి.

రిలయన్స్ స్టాక్ నేడు 1.47 శాతం ఎగబాకి రూ.1925 వద్ద ట్రేడ్ అయింది

రంగాలవారీగా...

నిఫ్టీ 50 సూచీ 0.02 శాతం, నిఫ్టీ మిడ్ క్యాప్ 1.21 శాతం లాభపడ్డాయి. రంగాలవారీగా చూస్తే నిఫ్టీ ఆటో 1.21 శాతం, నిఫ్టీ ఎనర్జీ 1.11 శాతం, నిఫ్టీ పీఎస్‌యూ బ్యాంకు 1.38 శాతం, నిఫ్టీ రియాల్టీ 2.78 శాతం, నిఫ్టీ మీడియా 1.22 శాతం, నిఫ్టీ మెటల్ 1.28 శాతం లాభపడ్డాయి.

నిఫ్టీ బ్యాంకు 0.20 శాతం, నిఫ్టీ ఫైనాన్షియల్ సర్వీసెస్ 0.34 శాతం, నిఫ్టీ ఎఫ్ఎంసీజీ 0.51 శాతం, నిఫ్టీ ఐటీ 0.20 శాతం, నిఫ్టీ ఫార్మా 0.92 శాతం, నిఫ్టీ ప్రయివేటు బ్యాంకు 0.24 శాతం నష్టపోయాయి.