నిఫ్టీ బ్యాంక్@30,000: భారీ లాభాల నుండి, నష్టాల్లోకి మార్కెట్లు: రిలయన్స్ ఎగిసినా...

లేచి'పడిన' సెన్సెక్స్

టాటా మోటార్స్ షేర్ గత నెల రోజుల్లో రూ.130 నుండి రూ.170కి ఎగిసింది. ఈ రోజు ఓ సమయంలో రూ177 స్థాయిని సమీపించింది.

ఆర్థిక సంక్షోభంలో చిక్కుకున్న లక్ష్మీ విలాస్ బ్యాంకు వరుసగా ఏడో రోజు నష్టపోయింది. నేడు 4.79 శాతం క్షీణించి రూ.6.95 వద్ద ట్రేడ్ అయింది.

ప్రారంభంలో రికార్డు స్థాయికి చేరుకున్న సెన్సెక్స్ ఆ తర్వాత నష్టాల్లోకి జారిపోయింది. నిన్న సెన్సెక్స్ 44,523 పాయింట్ల వద్ద ముగియగా నేడు ఓ సమయంలో 44,800 పాయంట్లను దాటి, 11 గంటల సమయంలో 44,265 పాయింట్లకు పడిపోయింది.

నేటి గరిష్టం నుండి దాదాపు 600 పాయింట్లు క్షీణించింది.

రూ.1969 వద్ద రిలయన్స్

నేటి టాప్ గెయినర్స్ జాబితాలో ఓఎన్జీసీ 4.07 శాతం, HDFC లైఫ్ 1.76 శాతం, SBI లైఫ్ ఇన్సురెన్స్ 1.48 శాతం, శ్రీసిమెంట్స్ 1.04 శాతం, గ్రాసీమ్ 0.91 శాతం లాభాల్లో ట్రేడ్ అయ్యాయి.

టాప్ లూజర్స్ జాబితాలో ఐచర్ మోటార్స్ 2.25 శాతం, ఏషియన్ పేయింట్స్ 2.04 శాతం, టెక్ మహీంద్ర 1.89 శాతం, బజాజ్ ఫైనాన్స్ 1.68 శాతం, సన్ ఫార్మా 1.66 శాతం నష్టపోయాయి.

మోస్ట్ యాక్టివ్ స్టాక్స్‌లో రిలయన్స్, బజాజ్ ఫైనాన్స్, యాక్సిస్ బ్యాంకు, డాక్టర్ రెడ్డీస్ ల్యాబ్స్, ఎస్బీఐ ఉన్నాయి. రిలయన్స్ స్టాక్ నేడు 0.27శాతం లాభపడి రూ.1969 వద్ద ట్రేడ్ అయింది.

రంగాలవారీగా చూస్తే...

రంగాలవారీగా చూస్తే నిఫ్టీ ఆటో 0.75 శాతం, నిఫ్టీ బ్యాంకు 0.66 శాతం, నిఫ్టీ ఎనర్జీ 0.37 శాతం, నిఫ్టీ ఫైనాన్షియల్ సర్వీసెస్ 0.76 శాతం, నిఫ్టీ ఎఫ్ఎంసీజీ 0.84 శాతం, నిఫ్టీ ఐటీ 0.99 శాతం, నిఫ్టీ మెటల్ 0.32 శాతం, నిఫ్టీ ఫార్మా 1.28 శాతం, నిఫ్టీ రియాల్టీ 1.22 శాతం, నిఫ్టీ ప్రయివేటు బ్యాంకు 0.58 శాతం నష్టపోయాయి.

నిఫ్టీ మీడియా 0.25 శాతం, నిఫ్టీ పీఎస్‌యూ బ్యాంకు 1.38 శాతం లాభాల్లో ఉన్నాయి. నిఫ్టీ బ్యాంకు 30,000 దాటింది.